नवराज्य Live डिजिटल न्यूज नेटवर्क
रांची – झारखंडच्या जमशेदपूरचे पर्यावरण अभियंता गौरव आनंद यांनी तलाव-नद्यांतील प्रदूषणाचे कारण मानल्या जाणाऱ्या जलपर्णीला उपयुक्त संसाधनात बदलत अभिनव उपक्रम हाती घेतला आहे. जलपर्णीतून ते मजबूत नैसर्गिक फायबर तयार करतात, ज्यापासून महिला गट फ्यूजन सुती साड्या, चटया आणि हस्तकलेच्या वस्तू बनवतात.
रांचीतील सुवर्णरेखा नदी स्वच्छतेदरम्यान जलकुंभीची समस्या पाहून गौरव यांनी त्याचे मूल्य शोधण्यास सुरूवात केली. आज त्यांच्या उपक्रमामुळे जलपर्णीची सफाई, पर्यावरण संवर्धन आणि महिलांना रोजगार या तिन्ही गोष्टींना चालना मिळत आहे.
एका साडीत 85% जलकुंभी आणि 15% कापूस वापरला जातो आणि साडी तयार होण्यासाठी तीन दिवस लागतात. या साड्या केवळ देशातच नव्हे तर युरोपातही निर्यात होत असून त्यांना चांगली मागणी आहे.
गौरवचा हा प्रकल्प समस्येचे संधीमध्ये केलेले यशस्वी रूपांतर मानले जात आहे.
