नवराज्य Live न्यूज नेटवर्क
(जळगाव ) येथील स्वरमंदिर ऑर्केस्ट्रा ग्रुप तर्फे महाराष्ट्रदिनानिमित्त भाऊंच्या उद्यानात देशभक्ती, भावगीते, जुने नवे हिंदी मराठी सिनेगीतांचा कार्यक्रम आयोजित करण्यात आला होता. सुरवातीला सरस्वती, नटराज आणि गौतम बुद्ध यांच्या मूर्तीला स्वरमंदिर ऑर्केस्ट्रा ग्रुप चे अध्यक्ष सुरेश तायडे यांच्या हस्ते माल्यार्पण करण्यात आले .
कार्यक्रमाची सुरवात कु. महक राजेंद्र फुलवानी हिच्या गणेशवन्दना वर आधारित कथक नृत्याने झाली. नमस्कार घ्यावा हे बुद्धदेवा, ए मेरे प्यारे वतन, जय जय महाराष्ट्र माझा आणि सत्यम शिवम सुंदरम या देशभक्ती पर गीतांना उपस्थितानी टाळ्या वाजवून दाद दिली.
प्रतिभा तायडे, वनिता बोरसे, नयना भोळे, संगीता वाणी, युवराज वाघ, कांचन तायडे, सुरेश तायडे, संजय घोडके, प्रशांत ठाकूर, डॉ. संजय सोनवणे, गोपाळ तायडे, विजय चौधरी, पांडुरंग चौधरी, महेंद्र माळी,प्रवीण सुरवाडे, सतीश लाड, राजू फुलवानी इत्यादी गायक कलाकारांनी आपल्या सुमधुर आवाजात गाणी सादर केली.
कार्यक्रमाचे सूत्रसंचालन प्रकाश बाविस्कर तर आभार प्रदर्शन वनिता बोरसे यांनी केले. या कार्यक्रमासाठी भवरलाल आणि कांताबाई जैन फाउंडेशन चे विशेष सहकार्य लाभले
