कालिंका माता मंदिराजवळ मजुरास डंपर ने चिरडले
पोलिसांनी डंपर घेतला ताब्यात ; अप्पर पोलीस अधीक्षक घटनास्थळी पोलीस दाखल
जळगाव – जुने जळगाव परिसरातील जुना भुसावल हायवे वरील कालीका माता मंदिराजवळ कामावरून घरी येणाऱ्या मजुरास डंपरने चिरडले यामध्ये जुने जळगाव तेली चौकातील प्रभाकर रघुनाथ पाटील ( अहिरे ) वय वर्ष ५६ हे जागीच ठार झाले. असून ही घटना १३रोजी रात्री ८ वाजेच्या सुमारास घडली. त्यांच्या कुटुंबीयांना ही बातमी कळताच त्यांनी एकच आक्रोश केला.
या परिसरात ही तिसरी घटना असून , या ठिकाणी सिग्नल बसवलेले तर आहे.परंतु या ठिकाणी वाहतूक शाखेचा पोलीस तैनात नसल्याने ही सिग्नल यंत्रणा कुचकामी ठरत आहे.
यामुळे या परिसरात पोलीस प्रशासनावर प्रचंड नाराजी व्यक्त केली जात आहे.
याच ठिकाणी गेला तिसरा….
सात आठ महिन्यापूर्वी याच ठिकाणी इयत्ता नववी शिकणारा विद्यार्थी सायकलवरून जात असताना त्यास डंपरने चिरडले होते त्यावेळी त्या डंपरला संतप्त नागरिकांनी आग लावून पेटवण्यात दिला होता. तर त्यानंतर एका वृद्धाला देखील याच ठिकाणी डम्परणे चिरडलं होते. त्यानंतर या ठिकाणी सिग्नल बसवण्यात आले मात्र हे सिग्नल बसल्यानंतर काही दिवसातच बंद होते व आज या बंद अवस्थेत असलेल्या सिग्नलमुळेच व या ठिकाणी ट्रॅफिक पोलीस यंत्रणा नसल्याने ही घटना घडली आहे.
या ठिकाणी हा तिसरा अपघात आहे त्यावेळी आम्ही या ठिकाणी सिग्नल बसवण्याची मागणी केली होती तसेच या ठिकाणी गतिरोधक देखील लावण्याची मागणी केली होती या ठिकाणी सिग्नल लावण्यात आले आहे मात्र हे कधी चालू तर कधी बंद अवस्थेत असतात मग अशा सिग्नलचा काय उपयोग हे यंत्रणा कुचकामी ठरत असल्याचे माजी उपमहापौर व भाजपाचे नगरसेवक सुनील खडके यांनी पोलीस प्रशासनावर तीव्र शब्दात नाराजी व्यक्त केली.
कालिंका माता परिसर आता अतिशय संवेदनशील ठरत आहे या ठिकाणी कधी गोळीबार होतो. तर कधी चाकू मारून खून केला जातो तर एक्सीडेंट चे प्रकार येथे वारंवार घडत असतात. यापूर्वी देखील एक लहान मुलगा व एका वृद्धास डंपरने चिरडले होते. व त्याचे पुन्वृत्ती आज झाली आहे. या परिसरात पोलीस स्टेशन नाही तसेच या ठिकाणी सिग्नल यंत्रणेवर वाहतूक शाखेचे नियंत्रण नाही व या ठिकाणी एकही वाहतूक शाखेचा कर्मचारी दिसत नाही त्यामुळे आता किती बळी जाणार असा सवाल सामाजिक कार्यकर्ते ललित विजय नारखेडेसह येथील उपस्थित नागरिकांनी प्रशासनाला केला आहे.
