नवराज्य Live न्यूज नेटवर्क
जळगाव – सर्वसमावेशक सार्वजनिक शिवजयंती महोत्सव समितीतर्फे १९ रोजी सकाळी ८ वाजता छत्रपती शिवाजी महाराज स्टेडियमपासून भव्य शोभायात्रा काढण्यात येणार आहे. ही शोभायात्रा गुलाल-डिजे विरहित रहणार असून यात घोडे, संजीव देखावे, सुशोभित रथ, पारंपरिक वाद्य राहणार आहे.शाळा-महाविद्यालयाचे विद्यार्थी शहरातील विविध दरम्यान,सहभागी होतील. उपमुख्यमंत्री अजित पवारांच्या निधनामुळे सांस्कृतिक सप्ताह साजरा केला जाणार नसल्याची माहिती महोत्सव समितीचे अध्यक्ष मंत्री संजय सावकारे यांनी गुरुवारी पत्रकार परिषदेत दिली.
महोत्सव समितीने सामाजिक एकता जपण्याचा प्रयत्न नेहमीच केला आहे. समितीतर्फे महात्मा फुले जयंती, डॉ. बाबासाहेब आंबेडकर जयंती, छत्रपती संभाजीराजे जयंती, राज्याभिषेक दिन साजरा केली जातो. यानिमित्त विविध कार्यक्रमाचे आयोजन केले जाते. त्यात नागरिक
देखील उत्साहाने सहभागी होतात. यंदा देखील जून महिन्याच्या पहिल्या आठवड्यात सांस्कृतिक महोत्सवाचे समितीतर्फे आयोजित करण्यात येणार असल्याचे महोत्सव समितीचे अध्यक्ष मंत्री संजय सावकारे यांनी सांगितले. पत्रकार परिषदेला राधेश्याम चौधरी, राम पवार, विनोद देशमुख, शंभू पाटील, लीना पवार आदींसह सर्वसमावेशक सार्वजनिक शिवजयंती महोत्सव
समितीचे कार्यकारिणीचे पदाधिकारी, सदस्य व इतर मान्यवर उपस्थित होते.
१५ फेब्रुवारीला महिलांची स्कूटर रॅली काढणार
शिव जयंती उत्सवानिमित्ताने १५ फेब्रुवारी रोजी दुपारी ४ वाजता महिला स्कूटर् रॅलीचे आयोजन करण्यात आले आहे. स्कूटर रॅली छत्रपती संभाजीराजे नाट्यगृहापासून महापौर दीपमाला काळे व लीना पवार यांच्या नेतृत्वात सुरुवात होणार आहे. जिल्हाधिकारी कार्यालयातर्फे १८ फेब्रुवारीला सकाळी ८ वाजता भाऊंचे उद्यान
येथे रंगभरण, चित्रकला स्पर्धा, नाट्यगृहाच्या शेजारील मैदानावर किल्ले बनवा स्पर्धा, १९ रोजी सकाळी ८ वाजता छत्रपती शिवाजी महाराज स्टेडियमजवळून शोभायात्रेला सुरुवात होईल. ही शोभायात्रा नेहरु चौक, टॉवर, चित्रा चौक मार्ग शिवतीर्थ मैदानावर शोभायात्रेची सांगता होईल.
सायंकाळी ६ वाजता छत्रपती संभाजीराजे नाट्यगृहात सांस्कृतिक होणार आहे. २० रोजी सायंकाळी ६
वाजेच्या सुमारास पोवाड्याचा कार्यक्रम होणार आहे
