रामेश्वर कॉलनी येथील घटना; लाखोचे नुकसान
नवराज्य Live न्यूज नेटवर्क
जळगाव – आज १४ रात्री २ वाजता जळगाव येथील रामेश्वर कॉलनीत, साई गजानन सोसायटीमध्ये एकूण २४ दुचाकी जाळण्यात आल्या आहेत.सोसायटीमध्ये कुणीतरी माथेफिरू व्यक्तीने ही घटना घडवली असावी किंवा एखाद्या इलेक्ट्रिक बाईकमुळे आग लागली असावी, अशी चर्चा सुरू आहे. सोसायटीतील सीसीटीव्ही कॅमेरे तपासून माहिती घेतली जात असून पोलीस यंत्रणा घटनास्थळी पोहोचली आहे.
रामेश्वर कॉलनी, जळगाव येथील साई गजानन सोसायटीमध्ये आज पहाटे २ वाजण्याच्या सुमारास घडलेली दुर्दैवी घटना अत्यंत धक्कादायक आहे. सोसायटी परिसरात एकूण अंदाजे २० ते २५ दुचाकींच्या आगीने अनेक कुटुंबांचे मोठे आर्थिक नुकसान झाले आहे.
या सोसायटीमध्ये प्रामुख्याने कामगार व कष्टकरी वर्ग राहतो. अनेकांनी कर्ज काढून किंवा हप्त्यांवर दुचाकी घेतलेल्या आहेत. अचानक घडलेल्या या घटनेमुळे सर्व कुटुंबांवर आर्थिक संकट कोसळले आहे. ही घटना कुणीतरी माथेफिरू व्यक्तीने जाणीवपूर्वक घडवली असावी किंवा एखाद्या इलेक्ट्रिक बाईकमधून आग लागून ती पसरली असावी, अशी चर्चा सुरू आहे. मात्र याबाबत सखोल चौकशी करून सत्य समोर आणावे व दोषींवर कठोर कारवाई करावी, अशी आमची मागणी आहे.
तसेच या घटनेत नुकसान झालेल्या सर्व कुटुंबांना तात्काळ शासकीय मदत जाहीर करावी, अशीही मागणी आम्ही प्रशासनाकडे करीत आहोत.
— सागर अशोक पाटील
रहिवासी, साई गजानन सोसायटी, रामेश्वर कॉलनी, जळगाव
