इंपिरियल इंटरनॅशनल स्कूल, पाळधी येथे सावित्रीबाई फुले जयंती उत्साहात
पाळधी | प्रतिनिधी : इंपिरियल इंटरनॅशनल स्कूल, पाळधी येथे दि. ३ रोजी क्रांतिज्योती सावित्रीबाई फुले यांची जयंती उत्साहपूर्ण व प्रेरणादायी वातावरणात साजरी करण्यात आली. कार्यक्रमाची सुरुवात क्रांतिज्योती सावित्रीबाई फुले यांच्या प्रतिमेचे पूजन करून त्यांना विनम्र अभिवादनाने करण्यात आली.
यावेळी संस्थेचे चेअरमन इंजि. नरेश चौधरी यांनी विद्यार्थिनींना मार्गदर्शन करत सावित्रीबाई फुले यांच्या थोर सामाजिक व शैक्षणिक कार्याची माहिती दिली. स्त्री शिक्षणासाठी त्यांनी दिलेले योगदान आजही समाजाला दिशा देणारे असून शिक्षण हेच परिवर्तनाचे प्रभावी माध्यम असल्याचे त्यांनी प्रतिपादन केले.
कार्यक्रमप्रसंगी प्राचार्य विवेक रुपणर, सी ई ओ गजानन पाटील व शाळेतील इयत्ता दहावीच्या विद्यार्थिनींनी आदी उपस्थित होते. शिक्षकवर्गाने सावित्रीबाई फुले जयंतीचे सामाजिक व शैक्षणिक महत्त्व विद्यार्थ्यांना समजावून सांगितले.
