नवराज्य Live न्यूज नेटवर्क
जळगाव – जळगाव शहर महानगरपालिकेच्या निवडणुकीची रणधुमाळी सुरू झाली असून निवडणुकीचे वातावरण हळूहळू आता तापू लागले आहे. सर्वच पक्षांनी आप आपला प्रचार सुरू केलेला आहे. काल भाजपाची जाहीर सभा झाली तर उद्या ६ मंगळवार रोजी मुख्यमंत्री देवेंद्र फडणवीस हे या महापालिका निवडणुकीच्या निमित्ताने महायुतीच्या उमेदवारांच्या प्रचारार्थ रोड शोसाठी निवडणुकीतील ६३ उमेदवारांच्या प्रचारार्थ ते जळगाव येत आहेत.
उद्या मंगळवार ६ रोजी दुपारी ३:०० वाजता रोडशो असल्याने त्यांचे जळगाव आगमन होणार असून, छत्रपती शिवाजी महाराज पुतळा जीएस, येथून या रोड शो ला सुरुवात होईल. नेहरू चौक, शास्त्री टॉवर, चित्रा चौक,गोलाणी मार्केट, यामार्गे पुन्हा छत्रपती शिवाजी महाराज पुतळा येथे या रोड शोचा समारोप होईल. या रोड शो मध्ये सर्व महायुतीचे कार्यकर्ते पदाधिकारी व तमाम जनतेने सहभाग घ्यावा असे आवाहन. भारतीय जनता पार्टी चे जळगाव पश्चिमचे जिल्हाप्रसिद्धीप्रमुख जिल्हा पदाधिकारी, जिल्हा अध्यक्ष सरचिटणीस- मोर्चा, आघाडी,प्रकोष्ठ, पदाधिकारी, मंडळ अध्यक्ष-सरचिटणीस, मंडळ मोर्चा,आघाडी,प्रकोष्ठ पदाधिकारी सर्व शक्तीकेंद्र प्रमुख, बूथ प्रमुख, जिल्हाध्यक्ष-डॉ.राधेश्याम चौधरी,जळगाव पश्चिम व प्रसिद्धी प्रमुख मनोज भांडारकर यांनी पत्रकाद्वारे आवाहन केले आहे.
