नवराज्य Live न्यूज नेटवर्क
जळगाव (आव्हाने शिवार) :श्री मनोज पाटील इंटरनॅशनल इंग्लिश मीडियम स्कूल व श्री समर्थ प्राथमिक विद्यामंदिर, आव्हाने शिवार, जळगाव येथे क्रांतीज्योती सावित्रीबाई फुले यांची जयंती उत्साहात व प्रेरणादायी वातावरणात साजरी करण्यात आली.
या कार्यक्रमात सावित्रीबाई फुले यांच्या जीवनकार्य व स्त्री शिक्षणासाठी दिलेल्या योगदानावर विद्यार्थ्यांनी प्रभावी भाषणे, नाटिका व कवितांच्या माध्यमातून आपल्या भावना व्यक्त केल्या.
विद्यार्थ्यांच्या सादरीकरणातून “आजच्या लेकी उद्याच्या सावित्रीबाई” हा संदेश ठळकपणे अधोरेखित झाला.
संस्थेचे अध्यक्ष मनोज पाटील यांनी विद्यार्थ्यांच्या सादरीकरणाचे कौतुक करून त्यांना उज्ज्वल भविष्यासाठी शुभेच्छा दिल्या. कार्यक्रमास शाळेच्या मुख्याध्यापिका हर्षाली पाटील व मुख्याध्यापिका मंजुषा सोनवणे उपस्थित होत्या.
कार्यक्रम यशस्वी करण्यासाठी शिक्षकवृंद व शिक्षकेतर कर्मचारी यांनी विशेष परिश्रम घेतले. कार्यक्रमाचे सूत्रसंचालन व आभार प्रदर्शन रुपेश पाटील यांनी केले.
संपूर्ण कार्यक्रमातून सावित्रीबाई फुले यांच्या विचारांची प्रेरणा विद्यार्थ्यांच्या मनात रोवली गेली.
