भाजपचे प्रदेशाध्यक्ष रवींद्र चव्हाण आज पिंप्राळ्यात
महायुती करणार पिंप्राळा येथून प्रचाराचा शुभारंभ
जळगाव – मनपा निवडणुकीसाठी भाजपचे प्रदेशाध्यक्ष रवींद्र चव्हाण हे आज पिंप्राळा येथे महायुतीच्या प्रचाराचे नारळ फोडण्यासाठी येत आहेत. सायंकाळी ५ वाजता प्रचाराचा शुभारंभ होऊन या ठिकाणी सभा होईल. तर मुख्यमंत्री देवेंद्र फडणवीस ६ जानेवारीला व उपमुख्यमंत्री एकनाथ शिंदे ८ रोजी जळगावात येणार आहेत. पिंप्राळ्यातील भवानी मंदिरापासून महायुतीचा प्रचार सुरू केला जाणार आहे. त्यासाठी प्रदेशाध्यक्ष रवींद्र चव्हाण हे रविवारी दुपारी ४ वाजेपर्यंत जळगावात दाखल होत आहेत. आज सायंकाळी ५.३० वाजेच्या सुमारास पिंप्राळा परिसरात त्यांची जाहीर सभा होणार आहे.
अशी माहिती आमदार सुरेश भोळे यांनी दिली. तसेच शिवसेना नेते तथा उपमुख्यमंत्री एकनाथ शिंदे हे ८ जानेवारीला येत आहेत. रोड शोचे नियोजन शिवसेनेचे असल्याची माहिती जिल्हाप्रमुख विष्णू भंगाळे यांनी दिली आहे.
