नवराज्य Live न्यूज नेटवर्क
जळगाव : शहरात दिवसाढवळ्या दुचाकी चोरीचे सत्र सुरूच असून, आता पत्रकारही सुरक्षित राहिलेले नाहीत. दैनिक ‘नवराष्ट्र’चे उपसंपादक रामदास माळी यांची ड्रीम युगा (MH 15 EQ 1373) ही दुचाकी स्वातंत्र्य चौकातील इंडिया प्लाझा, डॉमिनोज पिझ्झाच्या शेजारी पार्क केली असताना शुक्रवारी दुपारी ३ ते ५ वाजेदरम्यान अज्ञात चोरट्याने लंपास केली.
या प्रकरणी जिल्हापेठ पोलिस ठाण्यात गुन्हा दाखल करण्यात आला असून पुढील तपास हवालदार अनिता वाघमारे करीत आहेत. स्थानिक गुन्हे अन्वेषण शाखेकडून सराईत चोरांची झाडाझडती सुरू असून, शहर वाहतूक नियंत्रण शाखेच्या नेत्रम विभागानेही शोध मोहिम हाती घेतली आहे.दरम्यान, लहान मुलासोबत असलेला एक इसम ही दुचाकी आकाशवाणी चौकाच्या दिशेने नेताना सीसीटीव्हीत दिसून आला आहे. चोरटा सराईत नसल्याचा प्राथमिक अंदाज पोलिसांनी व्यक्त केला असला, तरी अद्याप दुचाकीचा ठावठिकाणा लागलेला नाही.
