नवराज्य Live न्यूज नेटवर्क
जळगाव – जळगाव शहर महापालिका निवडणुकीचा बिगुल वाजण्याच्या पूर्वी भारतीय जनता पक्षाच्या जळगाव शहर कार्यालयात आज उमेदवारांच्या मुलाखतींचे आयोजन करण्यात आले. मुलाखतीची वेळ सकाळी 11 वाजेपासून होती मात्र काही कारणास्तव ही वेळ दुपारी 2 वाजेची करण्यात आली.तरी देखील इच्छुक याठिकाणी थांबलेले होते. दुपार पासून इच्छुकांची मोठी गर्दी या ठिकाणी वाटत होती. यात प्रभागनिहाय मुलाखती घेण्यात आल्याने मुलाखती सुरू होत्या तर एक एक प्रभाग मधून 40 ते 50 लोक इच्छुक होते त्यामुळे 75 जागेसाठी 450 ते 550 च्या वर अर्ज प्राप्त झाल्याचा अंदाज असून रात्री 1 वाजे नंतरही सात-आठ लोक मुलाखतीसाठी थांबून होते. भाजप कार्यालय परिसरात वाहनांच्या रांगा तसेच जत्रेचे स्वरूप आले होते. .
भाजप कार्यालयात दिग्गजांसह आजी-माजी इच्छुकांनी मोठ्या प्रमाणावर उमेदवारी अर्ज सादर करत पक्षाकडे संधी देण्याची मागणी केली. आजच्या मुलाखतींसाठी शहरातील विविध प्रभागांतून माजी नगरसेवक, पक्षाचे पदाधिकारी, सामाजिक कार्यकर्ते, युवक, महिला तसेच नव्या चेहऱ्यांनी हजेरी लावली होती. अनेकांनी आपल्या कार्याचा आढावा, प्रभागातील समस्या, विकासाची दृष्टी व पक्षसंघटन मजबूत करण्यासाठी केलेले प्रयत्न याबाबत माहिती दिली.
यांनी घेतल्या मुलाखती
मंत्री संजय सावकारे, आ.राजूमामा भोळे, माजी महापौर नितीन लढा, दीपक सूर्यवंशी, नितीन इंगळे, राहुल वाघ यांच्या उपस्थितीत ही मुलाखत प्रक्रिया पार पडली. उमेदवारांची सामाजिक प्रतिमा, संघटन कौशल्य, पक्षनिष्ठा, निवडणूक जिंकण्याची क्षमता आणि प्रभागातील जनसंपर्क यावर भर देण्यात आला. तसेच महिला व युवकांना संधी देण्याबाबतही सकारात्मक चर्चा झाल्याचे सूत्रांनी सांगितले.
अनेक प्रभागांतून एकाहून अधिक इच्छुक असल्याने अंतिम उमेदवार कोण असणार, याकडे सर्वांचे लक्ष लागले आहे. काही प्रभागांत तर दिग्गज नेत्यांसह नवोदित उमेदवारांनीही जोरदार दावा केल्याने पक्ष नेतृत्वासमोर योग्य तोडगा काढण्याचे आव्हान उभे राहिले आहे. तर काहींनी आपली उमेदवारी निश्चित झाल्याचे काहींनी बोलून दाखवले मात्र पक्षाचे तिकीट कोणाला मिळते हे येत्या काही दिवसातच समजणार आहे.
