*संत ज्ञानेश्वर विद्यालयात प्रहरी गटातर्फे अंमली पदार्थ विरोधी मोहीम*
श्री संत ज्ञानेश्वर प्राथमिक व माध्यमिक विद्यालयात प्रहरी गटाच्या वतीने अंमली पदार्थ विरोधी जनजागृती मोहीम राबविण्यात आली. या मोहिमेचे अध्यक्ष म्हणून शाळेचे मुख्याध्यापक श्री. मुकेश नाईक उपस्थित होते.
कार्यक्रमात रूपाली आव्हाड यांनी विद्यार्थ्यांना मार्गदर्शन केले. त्यांनी अंमली पदार्थांचे दुष्परिणाम, व्यसनाधीनतेमुळे होणारे शारीरिक व मानसिक नुकसान तसेच विद्यार्थ्यांनी अशा प्रवृत्तींपासून दूर राहण्याचे महत्त्व स्पष्ट केले. विद्यार्थ्यांनी योग्य संगत निवडावी व सुदृढ जीवनशैली स्वीकारावी, असे आवाहन त्यांनी केले.
प्रहरी गटातील विद्यार्थ्यांनी घोषवाक्ये व प्रतिज्ञा यांच्या माध्यमातून अंमली पदार्थ विरोधी प्रभावी संदेश दिला.
अध्यक्षीय भाषणात मुख्याध्यापक श्री. मुकेश नाईक यांनी अमली पदार्थांचे व्यसन हे विद्यार्थ्यांच्या भविष्याला घातक असल्याचे नमूद करून सजग व शिस्तबद्ध जीवन जगण्याचा संदेश दिला.
कार्यक्रमास शिक्षकवृंद, शिक्षकेतर कर्मचारी व विद्यार्थी मोठ्या संख्येने उपस्थित होते. या मोहिमेमुळे विद्यार्थ्यांमध्ये जागरूकता, सामाजिक जबाबदारी व आत्मसंयमाची भावना निर्माण झाली.
