नवराज्य Live न्यूज नेटवर्क
रावेर:- व्यसनाधिनता ही देशा समोरील गंभीर समस्या असुन व्यसनामुळे आनेक कुटुंब उध्वस्त होताना आपण पहात आहोत तथा कुटुंबातील महिलेने खंबीरपणे निर्धार केल्यास ती आपले कुटुंबातील वडील ,भाऊ,मुलगा,पती,यांना व्यसनमुक्त करू शकते प्रत्येक कुटूंब व्यसनमुक्त झाले तरच नशा मुक्त भारत होईल असे प्रतिपादन रावेर लोकनियुक्त नगराध्यक्षा संगीता महाजन यांनी केले
सामाजिक न्याय व अधिकारीता मंत्रालय भारत सरकार व सामाजिक न्याय विशेष सहाय्य विभाग महाराष्ट्र शासन अंतर्गत समाज कल्याण कार्यालय जिल्हा परिषद जळगाव यांच्या वतीने आयोजित नशामुक्त भारत अभियान अंतर्गत जनजागृती कार्यक्रमाचे आयोजन छत्रपती शिवाजी महाराज चौक रावेर येथे करण्यात आली होते. या प्रसंगी लोककलावंत कार्यशाळेचा शुभारंभ व जनजागृती स्टाॅल चे उद्घाटन रावेर च्या लोकनियुक्त नगराध्यक्षा महाजन यांच्या हस्ते करण्यात आले
या प्रसंगी भारतीय जनता पार्टी चे रावेर तालुकाध्यक्ष पद्माकरभाऊ महाजन खान्देश लोककलावंत विकास परिषदेचे अध्यक्ष विनोद ढगे सौ ताराबाई सोपान पाटील,जेष्ठ वहीगायन लोककलावंत धनुआपा महाजन,यशवंत महाजन आदी मान्यवर उपस्थित होते.
नशामुक्त भारत अभियान अंतर्गत छत्रपती शिवाजी महाराज चौक येथे नशा मुक्ती जनजागृतीसाठी विविध कार्यक्रमांचे आयोजन करण्यात आले होते जनजागृती स्टाॅल, चित्रप्रदर्शन,लोककला पथनाट्य द्वारे जनजागृती करण्यात आली
लोककलावंत साठी विशेष कार्यशाळा आयोजन…
नशामुक्त भारत अभियानांतर्गत जनजागृती च्या कार्यात लोककलावंताची भुमिका महत्त्वाची असल्याने रावेर शहर व तालुक्यातील वहीगायन व विविध लोककला प्रकारात कार्यरत लोककलावंताचे एकदिवसीय कार्यशाळा आयोजित करण्यात आली होती या कार्यशाळेत जवळपास २५० लोककलावंतानी सहभागी होऊन नशामुक्त भारत अभियानाचा संकल्प केला व आपल्या वही गायन लोककलतून नशामुक्त भारताचा जागर केला
रावेर तालुक्यातील आहिरवाडी येथील बाल वहीगायन कलावंतानी वहीगायनातून व्यसनमुकती जनजागृती पर गीते सादर केली तर जळगाव येथील दिशा समाज प्रबोधन बहुउद्देशीय संस्थेचे पथनाट्य प्रमुख शाहीर विनोद ढगे व सहकाऱी यांनी पथनाट्य सादर करून उपस्थितांची नशामुक्ती संदर्भात प्रबोधन केले.
सदर कार्यशाळेचे आयोजन रावेर तालुका खान्देश वहीगायन लोककला परीषदेच्या विशेष सहकार्याने करण्यात आले होते
कार्यक्रमाचे प्रास्ताविक व उपस्थित मान्यवरांचे स्वागत रावेर वहीगायन परिषदेचे तालुका प्रमुख गणेश महाजन यांनी केले तर आभार खान्देश लोककलावंत विकास परिषदेचे कोषाध्यक्ष सचिन महाजन व्यक्त केले. नशामुक्तीची प्रतिज्ञा घेऊन कार्यक्रमाची सांगता झाली.
