नवराज्य Live डिजिटल न्यूज नेटवर्क
जळगाव : आव्हाने शिवारातील श्री समर्थ प्राथमिक विद्यामंदिर व श्री मनोज पाटील इंटरनॅशनल इंग्लिश मीडियम स्कूल येथे संविधान दिवस मोठ्या उत्साहात साजरा करण्यात आला. विद्यार्थ्यांमध्ये संविधानाची जाण, लोकशाही मूल्यांची जपणूक आणि राष्ट्रनिष्ठा दृढ करण्याच्या उद्देशाने विविध उपक्रमांचे आयोजन करण्यात आले.
संस्थेचे अध्यक्ष मनोज पाटील सर व संचालक. रामराजे पाटील यांनी उपक्रमाचे कौतुक केले. कार्यक्रमाच्या अध्यक्षस्थानी मुख्याध्यापिका हर्षाली पाटील तसेच मंजुषा सोनवणे उपस्थित होत्या.
विद्यार्थ्यांसाठी संविधान प्रास्ताविकेचे वाचन, प्रास्ताविक सादरीकरण, देशभक्तीपर गीतांचे सादरीकरण, निबंध स्पर्धा, वक्तृत्व स्पर्धा अशा उपक्रमांचे आयोजन करण्यात आले. या उपक्रमांमुळे विद्यार्थ्यांमध्ये संविधानाबद्दल आदरभाव, नागरिकत्वाची जाणीव आणि लोकशाही विचारांची रुजवात झाली.
कार्यक्रमाचे सूत्रसंचालन चैताली पाटील यांनी केले तर आभार प्रदर्शन पूजा कुलट यांनी मानले. शाळेतील सर्व शिक्षक, विद्यार्थी व पालकांनी उत्स्फूर्त सहभाग देत कार्यक्रम यशस्वी केला.
———————————————————
