नवराज्य Live न्यूज नेटवर्क
जळगाव : भारतीय जनता पक्षाचे माजी खासदार व आमदार स्व. हरिभाऊ जावळे यांच्या जयंतीनिमित्त जी.एम. फाउंडेशन येथील भाजप कार्यालयात मान्यवरांच्या उपस्थितीत त्यांच्या प्रतिमेचे पूजन व माल्यार्पण करून भावपूर्ण अभिवादन करण्यात आले. यावेळी त्यांच्या सामाजिक व राजकीय कार्याचे स्मरण करून जनसेवेतील योगदानाला आदरांजली वाहण्यात आली.
या कार्यक्रमास जळगाव शहराचे आमदार सुरेश दामू भोळे, माजी जळगाव महानगर जिल्हाध्यक्ष उज्वला बेंडाळे तसेच प्रकाश बालाणी यांची प्रमुख उपस्थिती होती.
यावेळी आमदार सुरेश दामू भोळे व भाजपचे ज्येष्ठ नेते उदय भालेराव यांनी स्व. हरिभाऊ जावळे यांच्या सामाजिक आणि राजकीय कार्याचा आढावा घेतला. पक्ष संघटनेसोबतच सामाजिक क्षेत्रात त्यांनी दिलेले योगदान तसेच जनसामान्यांशी असलेला जिव्हाळ्याचा संबंध यांचा आवर्जून उल्लेख करण्यात आला.
स्व. हरिभाऊ जावळे यांनी आपल्या कार्यकाळात सर्वसामान्य नागरिकांच्या प्रश्नांना प्राधान्य देत जनसेवेची भूमिका सातत्याने जपली. त्यांच्या कार्यातून निर्माण झालेली सामाजिक बांधिलकी आणि लोकांशी असलेले आत्मीय नाते आजही स्मरणात असल्याचे उपस्थितांनी नमूद केले.
कार्यक्रमाला भाजप जिल्हा महानगर सरचिटणीस विशाल त्रिपाठी, नितीन इंगळे, राहुल वाघ, दीपक परदेशी, शक्ती महाजन, प्रकाश पंडित, मयूर भदाणे, नगरसेवक वैशाली पाटील, अरविंद देशमुख, विजय बांदल, संदीप ढंडोरे, महेश चौधरी, महेश कापुरे, माधुरी देशमुख आणि सरदार तडवी यांच्यासह भाजप पदाधिकारी, कार्यकर्ते व नागरिक उपस्थित होते.
यावेळी स्व. हरिभाऊ जावळे यांच्या कार्याचे स्मरण करून त्यांच्या सामाजिक व राजकीय योगदानाला भावपूर्ण आदरांजली अर्पण करण्यात आली.
