नवराज्य Live न्यूज नेटवर्क
जळगाव :आदिवासी समाजाच्या हक्कांसाठी, स्वाभिमानासाठी आणि देशाच्या स्वातंत्र्यलढ्यात महत्त्वपूर्ण योगदान देणारे जननायक भगवान बिरसा मुंडा यांचा संघर्ष, त्याग आणि देशभक्ती आजही समाजासाठी प्रेरणादायी आहे. त्यांच्या विचारांचा आदर्श पुढील पिढ्यांना सदैव मार्गदर्शन करणारा ठरेल, असे प्रतिपादन खासदार स्मिता वाघ यांनी केले.
जननायक भगवान बिरसा मुंडा यांच्या जयंतीनिमित्त भारतीय जनता पार्टी, जळगाव महानगरच्या वतीने त्यांच्या प्रतिमेस माल्यार्पण करून अभिवादन करण्यात आले. यावेळी खासदार स्मिता वाघ, जळगाव शहराचे आमदार सुरेश भोळे, भाजप जळगाव महानगर जिल्हाध्यक्ष दीपक सूर्यवंशी तसेच नगरसेविका उज्ज्वला बेंडाळे यांच्या प्रमुख उपस्थितीत कार्यक्रम पार पडला.
याप्रसंगी ज्येष्ठ भाजप कार्यकर्ते तथा उपाध्यक्ष उदय भालेराव आणि अनिल सपकाळे यांनी भगवान बिरसा मुंडा यांच्या प्रेरणादायी जीवनचरित्रावर प्रकाश टाकला. आदिवासी समाजाच्या हक्कांसाठी त्यांनी दिलेला लढा, सामाजिक परिवर्तनासाठी केलेले कार्य आणि देशाच्या स्वातंत्र्यलढ्यातील त्यांचे योगदान याविषयी उपस्थितांना माहिती देण्यात आली.
भगवान बिरसा मुंडा यांनी अन्यायाविरुद्ध संघर्ष करत आदिवासी समाजामध्ये स्वाभिमान आणि एकतेची भावना जागृत केली. त्यांचे धैर्य, त्याग आणि राष्ट्रनिष्ठा ही आजच्या तरुण पिढीसाठीही प्रेरणादायी असल्याचे यावेळी मान्यवरांनी नमूद केले.
कार्यक्रमाला नगरसेविका वैशाली पाटील, भाजप जळगाव महानगर सरचिटणीस विशाल त्रिपाठी, पितांबर भावसार, ललित बडगुजर, सागर पाटील, सचिन बाविस्कर, प्रकाश पंडित, मयूर भदाणे, एसटी मोर्चा जिल्हाध्यक्ष दीपक कोळी, महेश चौधरी, संतोष इंगळे, किरण भोई, तुषार सूर्यवंशी, रवींद्र फालक, दिलीप लाडवंजारी, दिलीप नाझारकर, राजेंद्र मराठे, संजय बाविस्कर, अनिल कोळी, जया सोनवणे, स्नेहा कोळी, शोभा कोळी आदी पदाधिकारी व कार्यकर्ते उपस्थित होते.
कार्यक्रमाचे सूत्रसंचालन दीपक परदेशी यांनी केले. जननायक भगवान बिरसा मुंडा यांच्या जयंतीनिमित्त उपस्थितांनी त्यांच्या महान कार्याचे स्मरण करून विनम्र अभिवादन केले.





