नवराज्य Live न्यूज नेटवर्क
जळगाव : ग. स. सोसायटी, जळगावचे विद्यमान सहकारी संचालक भाईदास बाजीराव पाटील (वय ५९) यांचे बुधवार, दि. २१ ऑक्टोबर २०२६ रोजी सायंकाळी हृदयविकाराच्या झटक्याने दुःखद निधन झाले. त्यांच्या निधनाने सहकार क्षेत्रात शोककळा पसरली आहे.
भाईदास पाटील यांच्या पार्थिवावर गुरुवार, दि. २२ ऑक्टोबर २०२६ रोजी सकाळी ११ वाजता त्यांच्या मूळ गावी सोनवद, ता. धरणगाव येथील राहत्या घरापासून अंत्ययात्रा निघणार आहे.
त्यांच्या पश्चात पत्नी, एक मुलगा आणि एक मुलगी असा परिवार आहे. ते एरंडोल पंचायत समितीचे माजी सभापती नारायण पाटील तसेच धरणगाव पंचायत समितीचे माजी सभापती प्रेमराज पाटील यांचे बंधू होत.
भाईदास पाटील यांच्या निधनाने त्यांच्या कुटुंबीयांवर दुःखाचा डोंगर कोसळला असून, त्यांना श्रद्धांजली अर्पण केली जात आहे.
