नवराज्य Live न्यूज नेटवर्क
जळगाव : जागतिक हृदय दिनाचे औचित्य साधून हार्ट प्लस हॉस्पिटल, जळगाव यांच्या वतीने दिनांक २९ सप्टेंबर २०२६ रोजी विशेष हृदय तपासणी शिबिराचे आयोजन करण्यात आले. या शिबिरास नागरिकांनी उत्स्फूर्त प्रतिसाद दिला. दिवसभरात 65 नागरिकांनी आपली तपासणी करून घेतली. यात जळगाव जिल्हा, नेपानगर, ब्रह्मपूर येथील नागरिकांचा ही समावेश होता.
नागरिकांना हृदयाच्या आरोग्याविषयी जागरूक करणे, हृदय विकाराचा धोका ओळखून तो टाळता यावा, दैनंदिन जीवनात वावरत असताना शरीराच्या लहान – लहान लक्षणांकडे दुर्लक्ष न करता हृदयाच्या नियमित तपासणी करण्यावर भर देणे या उद्देशाने हार्ट प्लस हॉस्पिटलचे संचालक प्रसिद्ध इंटरवेंशनल कार्डिओलॉजिस्ट डॉ. संदीप भारुडे यांच्या नेतृत्वाखाली हा उपक्रम राबविण्यात आला.
या शिबिरात प्रत्येक नागरिकांचा बी पी., हृदयाचे ठोके (पल्स), ऑक्सिजनची पातळी,
इ. सी.जी.,टूडी इको, या हृदयाशी संबंधित महत्त्वपूर्ण तपासण्या सोबतच लिपिड प्रोफाइल, HBA1C, आणि शुगर इत्यादी रक्ताच्या तपासण्या ही करण्यात आल्या. प्रत्येक नागरिकाला रिपोर्ट पाहून व्यक्तिगत मार्गदर्शन करण्यात आले. या शिबिरात अँजिओग्राफीची गरज आढळून आलेल्या सर्व नागरिकांना आयुष्यमान भारत योजने अंतर्गत उपचार करून देण्यासाठी पुढील प्रक्रिया ही करण्यात आली.
या शिबिराचे वैशिष्य म्हणजे ज्येष्ठ नागरिकांच्या तुलनेत अनेक तरुणांनी देखील तपासणी करून घेत हृदय विकाराबाबत सजगता वाढत असल्याचे दाखवून दिले. शिबिरासाठी आलेल्या सर्व नागरिक, सोबत आलेल्या नातेवाईकांसाठी चहा- पाण्याची व्यवस्था ही हॉस्पिटलच्या वतीने करण्यात आली होती.
हार्ट प्लस हॉस्पिटलने अत्यल्प सेवाशुल्कात घेतलेल्या या उपक्रमासाठी आलेल्या सर्व नागरिकांनी समाधान व्यक्त केले.
भविष्यात जळगाव जिल्ह्यातील प्रत्येक तालुक्यात अशा प्रकारची शिबिरे आयोजित करण्यात करून हृदय विकाराबाबत नागरिकांना जागरूक करण्यात येणार असल्याचे मनोगत डॉ. संदीप भारुडे यांनी व्यक्त केले.
फोकस कीवर्ड :
हार्ट प्लस हॉस्पिटल जळगाव हृदय तपासणी शिबिर
टॅग्स :
हार्ट प्लस हॉस्पिटल
जळगाव
हृदय तपासणी शिबिर
जागतिक हृदय दिन
डॉ. संदीप भारुडे
हृदयरोग
