नवराज्य Live न्यूज नेटवर्क
जळगाव : देशाचे पंतप्रधान नरेंद्र मोदी यांच्या ७६व्या वाढदिवसानिमित्त भारतीय जनता पक्ष, जळगाव जिल्हा महानगराच्या वतीने ‘सेवा संकल्प अभियान’ अंतर्गत विविध सामाजिक व धार्मिक कार्यक्रमांचे आयोजन करण्यात आले.
अभियानाच्या प्रारंभी सकाळी १० वाजता जळगाव येथील जिल्हा सामान्य रुग्णालयात गरीब व गरजू रुग्णांना अन्नदान तसेच फळवाटप करण्यात आले. यावेळी आमदार सुरेश भोळे (राजूमामा), जिल्हाध्यक्ष दीपक सूर्यवंशी, महापौर सौ. दीपमाला काळे यांच्यासह जिल्हा पदाधिकारी, नगरसेवक आणि भाजपचे कार्यकर्ते मोठ्या संख्येने उपस्थित होते.
यानंतर सायंकाळी ७.३० वाजता जी.एम. फाउंडेशन येथील भाजप कार्यालयात गणपतीची महाआरती करण्यात आली. पंतप्रधान नरेंद्र मोदी यांच्या वाढदिवसानिमित्त ७५ दिवे प्रज्वलित करून त्यांना शुभेच्छा देण्यात आल्या. यावेळी फटाक्यांची आतषबाजी आणि ढोल-ताशांच्या गजरात वाढदिवसाचा उत्साह साजरा करण्यात आला.
या कार्यक्रमास खासदार स्मिता वाघ, आमदार सुरेश भोळे, महापौर दीपमाला काळे, जिल्हाध्यक्ष दीपक सूर्यवंशी, स्थायी समिती सभापती डॉ. चंद्रशेखर पाटील, गटनेते प्रकाश बालाणी, माजी महापौर सीमाताई भोळे, माजी जिल्हाध्यक्ष उज्ज्वला बेंडाळे, कार्यक्रमाचे संयोजक दीपक परदेशी, उदयजी भालेराव यांच्यासह जिल्हा पदाधिकारी, नगरसेवक आणि कार्यकर्ते मोठ्या संख्येने उपस्थित होते.
सेवा संकल्प अभियानाच्या माध्यमातून सामाजिक उपक्रम राबवत पंतप्रधान नरेंद्र मोदी यांचा वाढदिवस उत्साहात साजरा करण्यात आला.
