नवराज्य Live न्यूज नेटवर्क
जळगाव :जळगाव जिल्हा सरकारी नोकरांची सहकारी पतपेढी (ग.स. सोसायटी)च्या अध्यक्षपदी रागिणी चव्हाण तर उपाध्यक्षपदी अनिल कौतिक गायकवाड यांची बिनविरोध निवड करण्यात आली. निवड प्रसंगी लोक सहकार गटाचे अध्यक्ष मनोज पाटील सहकार गटाचे अध्यक्ष उदय पाटील यांनी पुष्पगुच्छ देऊन शुभेच्छा दिल्या यावेळी माजी चेअरमन अजब सिंग पाटील, महेश पाटील, ज्येष्ठ संचालक व्ही झेड पाटील आदी उपस्थित होते ग.स. सोसायटीतील ही निवडणूक अत्यंत प्रतिष्ठेची मानली जात असल्याने तिच्याकडे सर्वांचे लक्ष लागले होते.
ग.स. सोसायटीवर सहकार आणि प्रगती या दोन्ही गटांची सत्ता असून, अध्यक्ष व उपाध्यक्ष पदांसाठी दोन्ही गटांमध्ये कार्यकाळानुसार पदवाटपाचा निर्णय झाला होता. मात्र, सहकार गटाने ठरल्याप्रमाणे राजीनामा दिला नसल्याचा आरोप प्रगती गटाचे अध्यक्ष रावसाहेब पाटील यांनी यापूर्वी केला होता. अखेर विद्यमान अध्यक्ष अजितसिंग पाटील यांनी राजीनामा दिल्यानंतर अध्यक्ष व उपाध्यक्ष पदाची निवडणूक आज शांततेत पार पडली.
निवडणूक निर्णय अधिकाऱ्यांनी नवनिर्वाचित अध्यक्ष रागिणी चव्हाण आणि उपाध्यक्ष अनिल गायकवाड यांचा पुष्पगुच्छ देऊन सत्कार केला. त्यानंतर सहकार व लोकसहकार गटाच्या संचालकांनीही दोन्ही पदाधिकाऱ्यांचा गौरव केला. निवडीनंतर समर्थकांनी ढोल-ताशांच्या गजरात आणि फटाके फोडून जल्लोष साजरा केला.
या निवडणुकीसाठी डी. व्ही. पाटील, अजित पाटील, मस्के आणि देशपांडे यांनी निवडणूक निर्णय अधिकारी म्हणून जबाबदारी पार पाडली. तसेच संस्थेचे व्यवस्थापक वाल्मीक पाटील, भगवान मिस्त्री, संजीव पाटील आणि संजय साळुंखे यांनी निवडणूक प्रक्रिया सुरळीत पार पाडण्यासाठी सहकार्य केले.
दरम्यान, मागील अध्यक्षपदाच्या निवडणुकीवेळी मोठा गोंधळ निर्माण झाला होता. त्या पार्श्वभूमीवर यंदाच्या निवडणुकीत कोणताही अनुचित प्रकार घडू नये यासाठी पोलीस बंदोबस्त तैनात करण्यात आला होता.
