नवराज्य Live न्यूज नेटवर्क
जळगाव : भारतीय जनता पार्टी जळगाव जिल्हा महानगरतर्फे डॉ. शामाप्रसाद मुखर्जी यांच्या 125 व्या जयंतीनिमित्त शक्ती केंद्र व बुथ प्रमुखांचे संमेलन दापोरेकर मंगल कार्यालय येथे उत्साहात पार पडले.
कार्यक्रमात डॉ. शामाप्रसाद मुखर्जी यांच्या प्रतिमेचे पूजन आ. सुरेश भोळे (राजू मामा), राजेंद्र नन्नवरे, जिल्हाध्यक्ष दीपक सुर्यवंशी, महापौर दिपमाला काळे, डॉ. चंद्रशेखर पाटील, प्रकाश बालाणी व उज्वलाताई बेंडाळे यांच्या हस्ते करण्यात आले.
यावेळी राजेंद्र नन्नवरे यांनी डॉ. मुखर्जी यांच्या राष्ट्रभक्ती व बलिदानाचा आढावा घेतला. तर आ. सुरेश भोळे यांनी भाजपाचा कार्यकर्ता हा 365 दिवस कार्य करणारा असून केंद्र व राज्य सरकारच्या योजना जनतेपर्यंत पोहोचविण्याचे काम प्रत्येक कार्यकर्त्याने करावे, असे सांगितले.
कार्यक्रमाचे प्रास्ताविक दीपक सुर्यवंशी यांनी केले. सूत्रसंचालन अॅड. शुचिता हाडा यांनी केले तर आभार भूषण लाडवंजारी यांनी मानले.
कार्यक्रमाच्या यशस्वीतेसाठी विशाल त्रिपाठी, भारतीताई सोनवणे, राहुल वाघ, नितीन इंगळे, जयेश भावसार, नितु परदेशी, सागर पाटील, आनंद सपकाळे, अजित राणे, विनोद मराठे व अतुल बारी यांनी परिश्रम घेतले.
