नवराज्य Live न्यूज नेटवर्क
मेहरुण, ता. जि. जळगाव : श्री संत ज्ञानेश्वर प्राथमिक व माध्यमिक विद्यालय, मेहरुण येथे स्वर्गीय सौ. सुभद्राबाई सुरेश नाईक यांच्या जयंतीनिमित्त सोमवार, दि. १ जून २०२६ रोजी ‘स्मृती प्रवेश अभियान २०२६-२७’ राबविण्यात येणार आहे.
स्व. सुभद्राबाई सुरेश नाईक यांच्या शिक्षणप्रेमी विचारांना अभिवादन म्हणून या अभियानाचे आयोजन करण्यात आले असून शैक्षणिक वर्ष २०२६-२७ साठी प्रवेश जनजागृती, पालक संपर्क, घरभेटी तसेच नव्या विद्यार्थ्यांच्या प्रवेशासाठी विशेष प्रयत्न करण्यात येणार आहेत.
जयंतीनिमित्त विशेष उपक्रम म्हणून इयत्ता पहिलीत प्रवेश घेणाऱ्या विद्यार्थ्यांना शाळेतर्फे विशेष सवलत व प्रोत्साहनपर लाभ देण्यात येणार आहेत. यामुळे पालकांनी या सुवर्णसंधीचा लाभ घेऊन आपल्या पाल्यांचा प्रवेश निश्चित करावा, असे आवाहन करण्यात आले आहे.
“प्रत्येक बालक शाळेत – प्रत्येक बालक शिक्षित” हा संदेश समाजापर्यंत पोहोचवून गुणवत्तापूर्ण शिक्षणाचा प्रसार करणे हा या अभियानाचा मुख्य उद्देश आहे.
या उपक्रमात पालक, ग्रामस्थ, माजी विद्यार्थी व शिक्षणप्रेमींनी मोठ्या संख्येने सहभागी व्हावे तसेच इयत्ता पहिलीसाठी सुरू असलेल्या विशेष सवलतीचा लाभ घ्यावा, असे आवाहन संस्थेचे अध्यक्ष श्री. प्रशांत सुरेश नाईक यांनी केले आहे.
