नवराज्य Live न्यूज नेटवर्क
मेहरुण : श्रीराम प्रभू ज्येष्ठ नागरिक संघ, मेहरुण यांच्या वतीने गावातील व परिसरातील ज्येष्ठ नागरिकांचे वाढदिवस साजरे करण्याचा उपक्रम सुरू करण्यात आला असून, या उपक्रमांतर्गत दुसरा कार्यक्रम आज साईबाबा मंदिर येथे उत्साहात पार पडला.
या कार्यक्रमात श्री वसंत आनंदा पाटील, श्री अशोक शामराव वंजारी, श्रीमती शोभाबाई वंजारी, सौ. कल्पनाबाई ढाकणे आणि श्री वासुदेव विठ्ठल सानप या पाच ज्येष्ठ नागरिकांचा वाढदिवस साजरा करण्यात आला. उपस्थित मान्यवरांच्या हस्ते वाढदिवसाच्या शुभेच्छा देऊन त्यांचा सत्कार करण्यात आला.
कार्यक्रमाच्या अध्यक्षस्थानी माजी नगरसेवक प्रशांत नाईक होते. तसेच अशोक सिताराम लाडवंजारी व सुनील वसंत वंजारी हे प्रमुख पाहुणे म्हणून उपस्थित होते. आपल्या मनोगतात त्यांनी ज्येष्ठ नागरिकांचा सन्मान करणे ही समाजाची जबाबदारी असून अशा उपक्रमांमुळे सामाजिक ऐक्य वृद्धिंगत होत असल्याचे सांगितले.
कार्यक्रमाच्या यशस्वी आयोजनासाठी संघाचे अध्यक्ष दिलीप पुंडलिक लाडवंजारी, उपाध्यक्ष सोमनाथ सानप तसेच रवींद्र सानप, उत्तमराव नेरकर, दत्तात्रय लाड, विनोद पाटील, भास्कर वंजारी, निवृत्ती महाजन, रवींद्र तायडे, अनिल महाजन, सुनील भालेराव, बाबुराव वाघ, गोविंदा वाघ, भास्कर महाजन, श्रीमती पुष्पाताई घुगे, भास्कर वाणी, अनिल चाटे, गजानन लाडवंजारी, अमर लाडवंजारी, नितीन चाटे, रघुनाथ कोल्हटकर, नारायण वाघ आदी सदस्यांनी विशेष परिश्रम घेतले.
कार्यक्रमास ज्येष्ठ नागरिक, ग्रामस्थ व परिसरातील नागरिक मोठ्या संख्येने उपस्थित होते. सर्वांनी वाढदिवस साजरा करण्यात आलेल्या ज्येष्ठांना शुभेच्छा देत त्यांच्या निरोगी व आनंदी आयुष्यासाठी शुभेच्छा व्यक्त केल्या.
