नवराज्य Live न्यूज नेटवर्क
जळगावातील कोल्हे नगर येथील रजत धनराज सावदेकर यांनी अमेरिकेतील कॅलिफोर्निया येथे कॉम्प्युटर सायन्स विषयात एम.एस. पदवी डिस्टिंक्शनसह संपादन करून जिल्ह्याचे नाव उज्ज्वल केले आहे. परदेशात उच्च शिक्षण पूर्ण करूनही आपल्या ज्ञानाचा उपयोग देशासाठी आणि विशेषतः जळगाव जिल्ह्यातील विद्यार्थ्यांच्या प्रगतीसाठी करण्याचा त्यांनी निर्धार व्यक्त केला आहे.
रजत सावदेकर हे फ्रुट सेल सोसायटीचे सेवानिवृत्त अधिकारी धनराज सावदेकर यांचे कनिष्ठ चिरंजीव आहेत. शैक्षणिक प्रवासात त्यांनी सातत्यपूर्ण मेहनत, जिद्द आणि अभ्यासाच्या जोरावर हे यश मिळवले आहे.
अमेरिकेत उच्च शिक्षण घेत असताना आधुनिक तंत्रज्ञान, संगणक विज्ञान आणि संशोधन क्षेत्रातील अनुभव त्यांनी आत्मसात केला. आता हा अनुभव आपल्या मातृभूमीतील विद्यार्थ्यांपर्यंत पोहोचवण्याचा त्यांचा मानस असून, जळगाव जिल्ह्यातील विद्यार्थ्यांना करिअर मार्गदर्शन, परदेशी शिक्षणाविषयी माहिती आणि तांत्रिक शिक्षणासाठी प्रोत्साहन देण्याचे काम ते करणार असल्याचे सांगितले जात आहे.
रजत यांच्या या उल्लेखनीय यशाबद्दल परिसरातून त्यांच्यावर अभिनंदनाचा वर्षाव होत असून, युवकांसाठी ते प्रेरणास्थान ठरत आहेत.
