इम्पिरियल इंटरनॅशनल स्कूलचा दहावीला १००% निकाल; भूमिका मोरे ९५% गुणांसह प्रथम

नवराज्य Live न्यूज नेटवर्क

पाळधी : नुकताच इयत्ता १० वी स्टेट बोर्ड इंग्लिश मीडियमचा निकाल जाहीर झाला असून, इम्पिरियल इंटरनॅशनल स्कूल, पाळधी येथील विद्यार्थ्यांनी यंदाही शंभर टक्के निकालाची परंपरा कायम राखत उल्लेखनीय यश संपादन केले आहे. CBSE प्रमाणेच स्टेट बोर्ड इंग्लिश मीडियममध्येही विद्यार्थ्यांनी उत्कृष्ट यश मिळवून शाळेचे नाव उज्ज्वल केले आहे.

या परीक्षेत भूमिका मोरे हिने ९५% गुण मिळवून शाळेत प्रथम क्रमांक पटकावला. तसेच इतर गुणवंत विद्यार्थ्यांनीही उल्लेखनीय यश मिळविले. त्यामध्ये —

खुशी देशमुख – ९१%

विवेक पाटील – ९१%

दिवेश सोळंके – ९०%

माही पांडे – ९०%

यांचा समावेश आहे.

शाळेतील सर्व विद्यार्थ्यांनी उत्कृष्ट कामगिरी करत घवघवीत यश संपादन केले. विद्यार्थ्यांच्या या यशाबद्दल शाळेचे चेअरमन इंजि. श्री. नरेश चौधरी यांनी विद्यार्थ्यांचे अभिनंदन करून त्यांच्या पुढील शैक्षणिक वाटचालीस शुभेच्छा दिल्या. विद्यार्थ्यांच्या यशामागे त्यांचे मार्गदर्शन मोलाचे ठरले. शाळेचे कार्यकारी अधिकारी श्री. जी. डी. पाटील सर यांनीही विद्यार्थ्यांचे अभिनंदन करून पुढील वाटचालीस शुभेच्छा दिल्या.

तसेच शाळेच्या प्राचार्या सौ. शारदा पाटील यांनी विद्यार्थ्यांचे कौतुक करत त्यांच्या उज्ज्वल भविष्यासाठी शुभेच्छा दिल्या. यशामागील शिक्षकवृंदांच्या मेहनतीचेही त्यांनी विशेष कौतुक केले.

विद्यार्थ्यांच्या या उल्लेखनीय यशाबद्दल पालकांनीही आनंद व समाधान व्यक्त केले.

इम्पिरियल इंटरनॅशनल स्कूलने नेहमीप्रमाणे गुणवत्तापूर्ण शिक्षणाची परंपरा जपत यंदाही उत्कृष्ट निकालाची उज्ज्वल परंपरा कायम राखली आहे.