नवराज्य Live न्यूज नेटवर्क
सरकारी तसेच खासगी क्षेत्रातील नोकऱ्यांसाठी आवश्यक स्पर्धा परीक्षांच्या विनामूल्य प्रशिक्षण व उच्च शिक्षणासाठी राष्ट्रीय स्तरावरील प्रवेश परीक्षेचे आयोजन केले आहे. १८ वर्षांवरील विद्यार्थी, बारावी उत्तीर्ण, पदवीधर विद्यार्थ्यांसाठी तसेच दिव्यांग, अनाथ, ट्रान्सजेंडर तसेच आर्थिकदृष्ट्या दुर्बल घटकांतील विद्यार्थी पात्र असणार आहेत.
लेखी परीक्षा व मुलाखत याद्वारे निवड झालेल्या विद्यार्थ्यांना निवासी तसेच ऑनलाइन विनामूल्य प्रशिक्षण दिले जाते. UPSC, MPSC, स्टाफ सिलेक्शन कमिशन (SSC), बँकिंग, रेल्वे, CLAT, MBA, CUET आदी स्पर्धा परीक्षांसाठी तसेच खाजगी क्षेत्रातील करिअरसाठी आवश्यक MBA, MSW, CET, लॉ, इंजिनियरिंग आणि देशातील विविध विद्यापीठांच्या प्रवेश परीक्षांसाठी मराठी, हिंदी , इंग्रजी भाषांमध्ये विनामूल्य प्रशिक्षण आणि मार्गदर्शन दिले जाते.
या संदर्भातील प्रवेश परीक्षा दिनांक ५ जून व २१ जून २०२६ रोजी देशातील प्रमुख शहरांमध्ये ऑफलाईन पद्धतीने आयोजित करण्यात आली आहे. ही प्रवेश परीक्षा Deepstambh Foundation तर्फे घेण्यात येत असून विनामूल्य आहे. तसेच इच्छुक विद्यार्थ्यांनी www.deepstambh.org या संकेतस्थळावरून अर्ज करणे आवश्यक आहे. अर्ज करण्याची अंतिम तारीख १ जून २०२६ आहे.
पुणे, जळगाव आणि दिल्ली येथे कार्यरत असलेल्या या प्रकल्पांतर्गत विद्यार्थ्यांना अभ्यास साहित्य, अॅक्सेसिबल शिक्षण, तंत्रज्ञानाधारित सुविधा आणि वैयक्तिक समुपदेशन उपलब्ध करून दिले जाते. सध्या देशातील १६ राज्यांमधील सुमारे ६०० विद्यार्थ्यांना या उपक्रमाद्वारे स्पर्धा परीक्षा व उच्च शिक्षणासाठी संस्थां मार्गदर्शन उपलब्ध करून देते.
