नवराज्य Live न्यूज नेटवर्क
पारोळा – जळगाव येथे लाचलुचपत प्रतिबंधक विभागाने (एसीबी) मंगळवारी (दि. २८ एप्रिल २०२६) धडक कारवाई करत आरोग्य विभागातील सहाय्यक अधीक्षकाला लाच घेताना रंगेहाथ पकडले. या घटनेमुळे जिल्ह्यातील शासकीय यंत्रणेत एकच खळबळ उडाली आहे.
मिळालेल्या माहितीनुसार, पारोळा येथील कुटीर रुग्णालयात कार्यरत सहाय्यक अधीक्षक विजय प्रकाश वाघ (वय ४२) यांनी एका तक्रारदाराकडून नोकरीसंदर्भातील स्थायी आदेश मिळवून देण्यासाठी ३,००० रुपयांची लाच मागितली होती.
तक्रारदाराने याबाबत एसीबीकडे तक्रार दाखल केली. तक्रारीची पडताळणी केल्यानंतर एसीबीच्या पथकाने सापळा रचला. ठरल्याप्रमाणे आरोपीने २,००० रुपयांची लाच स्वीकारताच अधिकाऱ्यांनी त्याला रंगेहाथ पकडले.
ही कारवाई पारोळा पोलीस ठाण्याच्या हद्दीत करण्यात आली असून, आरोपीविरुद्ध भ्रष्टाचार प्रतिबंधक अधिनियम १९८८ अंतर्गत गुन्हा दाखल करण्याची प्रक्रिया सुरू आहे.
तपासादरम्यान आरोपीकडून २३० रुपये रोख रक्कम व व्हिवो कंपनीचा मोबाईल फोन जप्त करण्यात आला आहे.
👮 कारवाईत सहभागी अधिकारी:
पोलिस उपअधीक्षक योगेश ठाकूर
पोलिस निरीक्षक हेमंत नागरे
सुरेश पाटील
सुनील वानखेडे
बाळू मराठे
वरिष्ठ अधिकाऱ्यांच्या मार्गदर्शनाखाली ही कारवाई यशस्वीरीत्या पार पडली.
