जळगावच्या औद्योगिक विस्तारासाठी आ. राजूमामा भोळे सरसावले

नवराज्य Live न्यूज नेटवर्क

जळगावः येथील औद्योगिक वसाहतीचे प्रलंबित प्रश्न व विस्तारासाठी आ.राजूमामा भोळे यांच्या पुढाकाराने २२ एप्रिल रोजी मुख्यमंत्री सचिवालयात विशेष कार्य कक्ष अंतर्गत आढावा घेण्यासाठी आयोजित बैठक यशस्वीरित्या झाली. ही बैठक मुख्यमंत्र्यांचे खाजगी सचिव विद्याधर महाले यांच्या अध्यक्षतेखाली पार पडली.

या बैठकीस महाराष्ट्र औद्योगिक विकास महामंडळ संदर्भातील विविध महत्त्वपूर्ण विषयांवर सविस्तर चर्चा करण्यात आली. यावेळी जळगाव विभागाचे प्रादेशिक अधिकारी श्री. घाटे उपस्थित होते. तसेच जळगाव शहराचे आ. राजूमामा भोळे यांनी बैठकीस उपस्थित राहून जळगाव जिल्ह्यातील औद्योगिक

विकास, एमआयडीसी विस्तारीकरण, प्रलंबित प्रश्न व उद्योजकांच्या अडचणी यासंदर्भात मुद्देसूद मांडणी केली. बैठकीत जळगाव एमआयडीसी संदर्भातील विविध प्रलंबित विषय, पायाभूत सुविधा, उद्योगवाढीचे मुद्दे तसेच उद्योजकांच्या अडचणींबाबत सकारात्मक चर्चा होऊन संबंधित विषयांवर कार्यवाही करण्याबाबत सूचना देण्यात आल्या. जळगाव जिल्ह्याच्या औद्योगिक विकासासाठी आणि रोजगार निर्मितीस चालना मिळण्यासाठी ही बैठक महत्त्वपूर्ण ठरणार आहे.