नवराज्य Live न्यूज नेटवर्क
जळगाव (प्रतिनिधी): शैक्षणिक वर्ष 2026–27 च्या पार्श्वभूमीवर संत ज्ञानेश्वर प्राथमिक व माध्यमिक विद्यालयात शिक्षकांकडून शैक्षणिक साहित्य निर्मितीचा उपक्रम उत्साहात राबविण्यात आला. विद्यार्थ्यांचे शिक्षण अधिक सोपे, रंजक आणि परिणामकारक व्हावे, तसेच त्यांच्या शैक्षणिक गुणवत्तेत वाढ व्हावी, या उद्देशाने या उपक्रमाचे आयोजन करण्यात आले.
या उपक्रमांतर्गत शिक्षकांनी विविध विषयांशी संबंधित चार्ट, मॉडेल्स आणि कृतीआधारित (Activity-based) साहित्य तयार केले. या साहित्याच्या मदतीने विद्यार्थ्यांना अवघड संकल्पना सहज समजत असून त्यांच्या शिकण्यातील रुचीही वाढत आहे. परिणामी, अध्यापन अधिक प्रभावी आणि विद्यार्थीकेंद्रित होत असल्याचे दिसून येत आहे.
विद्यालय प्रशासनाने या उपक्रमाचे कौतुक केले असून, अशा नाविन्यपूर्ण उपक्रमांमुळे विद्यार्थ्यांचा सर्वांगीण विकास साध्य होईल, असा विश्वास व्यक्त करण्यात आला. मुख्याध्यापक मुकेश नाईक यांनीही शिक्षकांच्या या उपक्रमशीलतेचे अभिनंदन करत, भविष्यातही अशा उपक्रमांना प्रोत्साहन देण्यात येईल, असे सांगितले.
