नवराज्य Live न्यूज नेटवर्क
जळगाव – भारतीय जनता पार्टीच्या वर्धापन दिनाचे औचित्य साधून जळगाव शहरात आज उत्साहपूर्ण वातावरणात भव्य कार्यक्रमाचे आयोजन करण्यात आले. या कार्यक्रमात अनेक पदाधिकारी, कार्यकर्ते आणि नागरिकांची मोठी उपस्थिती पाहायला मिळाली.
या प्रसंगी जळगाव शहराचे आमदार राजूमामा भोळे आणि भाजप महानगर जिल्हाध्यक्ष दीपक सूर्यवंशी यांच्या प्रमुख उपस्थितीत विविध मान्यवर उपस्थित होते. यामध्ये विशाल त्रिपाठी, कार्यालय मंत्री उदय भालेराव, नगरसेवक अजित राणे, राहुल पाटील, नीलू तायडे, मंडळ अध्यक्ष आनंद सपकाळे, राजू मराठे, अरुण श्रीखंडे यांचा समावेश होता.
कार्यक्रमादरम्यान भाजप महानगर जिल्हा चिटणीस विठ्ठल पाटील आणि अल्पसंख्याक आघाडीचे गुड्डू पठाण यांच्या समवेत माजी नगरसेवक अण्णासाहेब भापसे यांचे सुपुत्र चंद्रकांत भापसे यांनी भारतीय जनता पार्टीत अधिकृत प्रवेश केला. यावेळी त्यांचे स्वागत करण्यात आले.
या वेळी शक्तिकेंद्र प्रमुख संजू कोळी, बूथ प्रमुख पंकज सोनवणे तसेच भाजप जळगाव महानगरचे पदाधिकारी आणि कार्यकर्ते मोठ्या संख्येने उपस्थित होते.
