जळगावात ‘शिवगर्जना हिंदू मेळावा’चे आयोजन; ४
नवराज्य Live न्यूजनेटवर्क
जळगाव : शहरात ‘शिवगर्जना हिंदू मेळावा’चे आयोजन करण्यात आले असून हा सार्वजनिक कार्यक्रम शनिवार, दि. ४ एप्रिल २०२६ रोजी रात्री ८ वाजता पार पडणार आहे. हा मेळावा पांडे डेअरी चौक, दीक्षित वाडी परिसरात आयोजित करण्यात आला आहे.
या मेळाव्यास स्वामी ब्रह्मानंदजी महाराज (श्री दत्त गिरनारी मठ, भुसावळ) यांचे आशीर्वचन लाभणार असून प्रा. श्री. प्रवीण प्रल्हाद नागरदे (इंजिनिअर, लेखक व राष्ट्रीय स्वयंसेवक संघाचे व्याख्याते) हे प्रमुख वक्ते म्हणून उपस्थित राहणार आहेत.
हिंदू समाजात एकता, बंधुभाव आणि मानवतेचा संदेश देण्यासाठी या मेळाव्याचे आयोजन करण्यात आले आहे. “हिंदू हिंदू एक रहे, भेदभाव को नहीं सहे, संघर्ष से दुखी जगत को मानवता की शिक्षा दे” हा संदेश या कार्यक्रमातून देण्यात येणार आहे.
या मेळाव्यास नागरिकांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे. ‘शिवगर्जना हिंदू मेळावा समिती, जळगाव’ यांच्या वतीने या कार्यक्रमाचे आयोजन करण्यात आले असून तुकाराम वाडी, जानकीनगर, दीक्षित वाडी आणि वानखेडे सोसायटी परिसरातील नागरिकांचा यात सहभाग आहे.
