नवराज्य Live न्यूज नेटवर्क
जळगाव : जळगाव शहर महानगरपालिकेच्या स्थायी समितीच्या बैठकीत सन २०२६-२७ या आर्थिक वर्षासाठी सुधारित अर्थसंकल्प सादर करण्यात आला. महापालिकेच्या सभागृहात स्थायी समितीचे सभापती यांच्या डॉ.चंद्रशेखर पाटील अध्यक्षतेखाली सादर हा अर्थसंकल्प सादर करण्यात आला.आयुक्त ज्ञानेश्वर ढेरे,अतिरिक्त आयुक्त शोभा बाविस्कर, नगररचना सचिव शुक्ला यावेळी उपस्थित होते.
या अर्थसंकल्पात शहराच्या पायाभूत सुविधा आणि मूलभूत सेवांवर विशेष भर देण्यात आला आहे. भांडवली खर्चामध्ये मोठी वाढ प्रस्तावित करण्यात आली असून ३३.२५ कोटी रुपयांच्या तुलनेत ५३.२० कोटी रुपयांची तरतूद करण्यात आली आहे.
यामध्ये सुमारे १९.९५ कोटी रुपयांची वाढ करण्यात आली आहे. शहरातील रस्ते, वीज वाहिन्या स्थलांतर, नवीन विद्युत पोल उभारणी तसेच समांतर रस्त्यांच्या विकासासाठी निधी वाढविण्यात आला आहे.
दरम्यान, काही बाबींमध्ये कपातही करण्यात आली असून आरोग्य विभागासाठी वाहन खरेदीत ५ कोटी रुपयांची घट दर्शविण्यात आली आहे.
पाणीपुरवठा विभागासाठीही मोठ्या प्रमाणात निधी वाढविण्यात आला आहे. ६०.७८ कोटी रुपयांच्या तुलनेत ६८.६५ कोटी रुपयांचा अंदाज मांडण्यात आला असून, यामध्ये ७.८६ कोटी रुपयांची वाढ करण्यात आली आहे. तसेच नियमित पाणीपुरवठा खर्चाबरोबरच मलनिस्सारण योजनेसाठीही निधी वाढविण्यात आला आहे.
महापालिकेच्या उत्पन्न वाढीसाठी कर वसुलीवर भर देणार – सभापती डॉ चंद्रशेखर पाटील
एकूणच, महापालिकेच्या अर्थसंकल्पात ५२.५६ कोटी रुपयांची महसूल वाढ अपेक्षित असून, विविध विभागांतील खर्च मिळून ५२.४७ कोटी रुपयांची वाढ प्रस्तावित करण्यात आली आहे.
हा अर्थसंकल्प शहराच्या सर्वांगीण विकासासाठी महत्त्वपूर्ण ठरणार असून जळगाव महापालिकेच्या उत्पन्नात वाढ होण्यासाठी कर वसुलीवर भर दिला जाईल. व दर तीन महिन्यांनी कर वसुली संदर्भात ही बैठक घेतली जाईल. असे स्थायी समिती सभापती डॉ चंद्रशेखर पाटील यांनी सभापती दालनात पत्रकारांशी बोलताना सांगितले.
