रावेर तालुक्यातील मोठे वाघोदे येथे भव्य हिंदू संमेलन संपन्न

नवराज्य Live न्यूज नेटवर्क

मोठे वाघोदे (ता. रावेर) : राष्ट्रीय स्वयंसेवक संघाच्या शताब्दी वर्षपूर्ती निमित्त सकल हिंदू समाज चिनावल मंडळाच्या वतीने मोठे वाघोदे येथे भव्य हिंदू संमेलनाचे आयोजन करण्यात आले होते. या कार्यक्रमाला विविध क्षेत्रातील मान्यवरांची उपस्थिती लाभली होती.

कार्यक्रमाच्या अध्यक्षस्थानी राष्ट्रीय स्वयंसेवक संघाचे जेष्ठ स्वयंसेवक विजयकुमार पाटील हे होते. तर प्रमुख उद्घाटक म्हणून विश्व हिंदू परिषदचे केंद्रीय संघटन महामंत्री व राष्ट्रीय प्रवक्ते  मिलिंद परांडे हे उपस्थित होते. यावेळी प्रमुख अतिथी म्हणून महामंडलेश्वर पवनकुमारदासजी महाराज (खंडोबावाडी देवस्थान, फैजपूर) तसेच प. म. श्री. दिवाकर बाबा शास्त्री (श्रीकृष्ण मंदिर महानुभाव आश्रम, वाघोदे) हे प्रमुख पाहुणे म्हणुन उपस्थित होते.

कार्यक्रमाची सुरुवात भारतमातेच्या प्रतिमेचे पूजन करून करण्यात आली. यानंतर मान्यवरांचा शाल, श्रीफळ व पुष्पहार देऊन सत्कार करण्यात आला. विजयकुमार पाटील यांच्या हस्ते श्री. मिलिंदजी परांडे यांचा सन्मान करण्यात आला. तसेच महामंडलेश्वर पवनकुमारदासजी महाराज यांचा सन्माम योगेश भंगाळे तर दिवाकर बाबा शास्त्री यांचा सन्मान केतन पाटील यथोचित गौरव करण्यात आला.

या प्रसंगी भाजपा अनुसूचित जाती मोर्चाचे राज्य सचिव अँटी करुप्शन फाउंडेशन ऑफ इंडिया राज्य अध्यक्ष मानव अधिकार आंतरराष्ट्रीय फेडरेशन राज्य अध्यक्ष सर्व शक्ती सेना हिंदुत्ववादि संघटना राज्य अध्यक्ष प्रा. संजय मोरे तसेच भाजपा किसान मोर्चाचे जिल्हा उपाध्यक्ष राहुल महाजन यांनी विश्वहिंदू परिषद केंद्रीय संघटन महामंत्री यांचा ‘जय हिंद, वंदे मातरम्’ लिहिलेला मफलर, पेन व ‘डॉ. बाबासाहेब आंबेडकरांच्या दृष्टीतून इस्लाम’ हे पुस्तक सरनेह सप्रेम भेट दिले.

मनोगत व्यक्त करताना महामंडलेश्वर पवनकुमारदासजी महाराज यांनी हिंदू समाजातील जातीय भेदभाव, मतभेद व संघर्ष दूर होऊन समाज एकसंध व समरस व्हावा, अशी अपेक्षा व्यक्त केली. तर श्री. मिलिंदजी परांडे यांनी हिंदू संमेलनाच्या माध्यमातून समाजात एकात्मता, भारतीय संस्कृतीचे जतन व सामाजिक बांधिलकी वाढविणे हा मुख्य उद्देश असल्याचे सांगितले. विविध घटकांना एकत्र आणून सामाजिक सलोखा निर्माण करण्यावर त्यांनी भर दिला.

या कार्यक्रमाला राहुल महाजन, स्वप्नील पवार, कांतीलाल महाजन, डॉ. गुरुदत्त पाटील, बाळू महाजन, गंभीर महाजन, रमेश पाटील, चंद्रकांत पाटील, योगेश पाटील, कमलाकर माळी, दत्ता पाटील, मेघनाथ पाटील, कृष्णा पाटील, हर्षल पाटील, सनी मोरे यांच्यासह विविध शाळांतील विद्यार्थी- विद्यार्थिनी, चिनावल मंडळातील आठ गावांतील नागरिक, महिला व युवक मोठ्या संख्येने उपस्थित होते.

कार्यक्रमाचे सूत्रसंचालन उपशिक्षक कुलभूषण पाटील यांनी केले, तर आभार प्रदर्शन स्वप्नील पवार यांनी मानले.