नवराज्य Live न्यूज नेटवर्क
जळगाव – पेस आयआयटीअँड मेडिकल जळगावच्या विद्यार्थ्यांनी राष्ट्रीय स्तरावर उल्लेखनीय यश संपादन करत शहराचे नाव उज्ज्वल केले आहे. इयत्ता ९ वीतील विद्यार्थी क्षितीज वारके याने नॅशनल स्टॅंडर्ड एक्सामिनेशन इन जुनिअर सायंस (NSEJS) परीक्षेत संपूर्ण महाराष्ट्रात प्रथम क्रमांक मिळवला आहे. विशेष म्हणजे जळगाव शहरातून निवड झालेला तो एकमेव विद्यार्थी ठरला आहे.
तसेच अथर्व चव्हाण (इयत्ता १२ वी) याने फिजिक्स आणि केमिस्ट्री ऑलिम्पियाडमध्ये स्टेट टॉपर होण्याचा मान मिळवला आहे. विद्यार्थ्यांच्या या उल्लेखनीय यशाबद्दल त्यांचा गौरव करण्यासाठी विशेष सन्मान सोहळ्याचे आयोजन करण्यात आले.
या कार्यक्रमाला जळगावच्या महापौर दीपमाला काळे यांची प्रमुख उपस्थिती लाभली. तसेच ओरिओन स्कूल च्या प्राचार्या सुषमा कंची याही कार्यक्रमास उपस्थित होत्या. मान्यवरांच्या हस्ते क्षितीज वारके आणि अथर्व चव्हाण या दोन्ही विद्यार्थ्यांचा सत्कार करण्यात आला.
यावेळी महापौर दीपाली काळे आणि प्राचार्या सुषमा कंची यांनी विद्यार्थ्यांना मार्गदर्शन करत भविष्यातील शैक्षणिक वाटचालीसाठी प्रेरणादायी शुभेच्छा दिल्या. तसेच जायीष्णू IIT गुरुकुल च्या संचालिका सविता वाणी यांनी विद्यार्थ्यांना कठोर परिश्रम, सातत्य आणि योग्य मार्गदर्शनाच्या माध्यमातून यश कसे संपादन करता येते याबाबत मार्गदर्शन केले.
◼ विद्यार्थ्यांसाठी शिष्यवृत्ती परीक्षा
विद्यार्थ्यांसाठी ACE of PACE प्रवेश व शिष्यवृत्ती परीक्षा २२ मार्च आणि २९ मार्च २०२६ रोजी दुपारी १२ ते १ या वेळेत आयोजित करण्यात आली आहे. या परीक्षेत विद्यार्थ्यांना १०% ते ४०% तसेच ७०% पर्यंत शिष्यवृत्ती मिळण्याची संधी उपलब्ध होणार असल्याची माहिती देण्यात आली.
या कार्यक्रमामुळे विद्यार्थ्यांमध्ये विज्ञान क्षेत्रात पुढे जाण्याची प्रेरणा निर्माण झाली असून उपस्थित मान्यवरांनी यशस्वी विद्यार्थ्यांचे कौतुक करत त्यांच्या उज्ज्वल भविष्यासाठी शुभेच्छा दिल्या.
