नवराज्य Live न्यूज नेटवर्क
जळगाव – येथील एनआयएफ ग्लोबल – संगीता अॅकॅडमीमधील तीन विद्यार्थ्यांची देशातील प्रतिष्ठित Lakmé Fashion Week मध्ये निवड झाली आहे. जळगावमध्ये गेल्या २१ वर्षांपासून डिझाईन शिक्षण क्षेत्रात कार्यरत असलेल्या या संस्थेच्या विद्यार्थ्यांना राष्ट्रीय फॅशन मंचावर काम करण्याची ही महत्त्वपूर्ण संधी मिळाली आहे.
या निवडीत लाभिका अमरचंद जैन, हिमिशा राजेश अग्रवाल आणि अजीज हकीमुद्दीन बूटवाला या विद्यार्थ्यांचा समावेश असून त्यांना फॅशन उद्योगाचा प्रत्यक्ष अनुभव मिळणार आहे. हा प्रतिष्ठित फॅशन कार्यक्रम १९ ते २२ मार्च २०२६ दरम्यान Jio World Convention Centre, Mumbai येथे आयोजित करण्यात येणार आहे.
Lakmé Fashion Week मध्ये देशभरातील नामांकित तसेच नवोदित फॅशन डिझायनर आपली नवीन कलेक्शन सादर करतात. या मंचावर विद्यार्थ्यांना उद्योगातील तज्ञांसोबत काम करण्याची संधी मिळते.
संस्थेत शैक्षणिक अभ्यासक्रमासोबतच औद्योगिक प्रशिक्षण, लाईव्ह प्रोजेक्ट्स आणि प्रत्यक्ष प्रॅक्टिकल शिक्षण यावर विशेष भर दिला जातो. त्यामुळे विद्यार्थ्यांना शिक्षणासोबतच फॅशन उद्योगातील प्रत्यक्ष कामकाजाची ओळख मिळते.
संस्थेच्या विद्यार्थ्यांनी यापूर्वीही आंतरराष्ट्रीय स्तरावर उल्लेखनीय यश संपादन केले आहे. आतापर्यंत २७ विद्यार्थ्यांनी New York Fashion Week मध्ये भारताचे प्रतिनिधित्व केले असून १० विद्यार्थ्यांनी London Fashion Week आणि Dubai Fashion Week या आंतरराष्ट्रीय फॅशन मंचांवर आपल्या डिझाईन्स सादर केल्या आहेत.
या यशामध्ये एनआयएफ ग्लोबल जळगाव टीमचे सदस्य लक्ष्मी मलभारी, पुरबी फासे, तेजस्विनी कांबळे, मानसी जैन, मतीन कसार आणि अर्चना राठी यांनी विद्यार्थ्यांच्या तयारीसाठी विशेष परिश्रम घेतले.
◼ विशेष चौकट
- “डिझाईन क्षेत्राला अर्थसंकल्पातून प्रोत्साहन; विद्यार्थ्यांसाठी रोजगाराच्या मोठ्या संधी”
संस्थेच्या संचालिका संगीता पाटील यांनी सांगितले की, अलीकडील राष्ट्रीय अर्थसंकल्पात डिझाईन, क्रिएटिव्ह इंडस्ट्री आणि कौशल्य विकास क्षेत्राला विशेष प्रोत्साहन देण्यात आले आहे. त्यामुळे फॅशन, टेक्सटाईल आणि इंटेरियर डिझाईन क्षेत्रात विद्यार्थ्यांसाठी मोठ्या प्रमाणावर रोजगार आणि उद्योजकतेच्या संधी निर्माण होणार आहेत.
विद्यार्थ्यांनी पारंपरिक करिअरच्या चौकटीबाहेर विचार करून सर्जनशील आणि कौशल्याधारित क्षेत्रात आत्मविश्वासाने
