नवराज्य Live न्यूज नेटवर्क
जळगाव : बारावीच्या परीक्षेदरम्यान विद्यार्थ्यांच्या आरोग्याच्या दृष्टीने खबरदारी म्हणून जिल्हा सामान्य रुग्णालयातर्फे महाविद्यालयात ॲडव्हान्स लाइफ सपोर्ट ॲम्बुलन्स (ऑक्सिजनसह) व चालकासह संपूर्ण परीक्षा कालावधीत सेवा उपलब्ध करून देण्यात आली होती. या सेवेमुळे परीक्षा केंद्रावर विद्यार्थ्यांना तातडीची वैद्यकीय मदत मिळण्याची सोय झाली.
या सेवेसाठी योगदान दिल्याबद्दल डॉ. चेतन अग्निहोत्री, डॉ. गिरीश पाटील, रेडियम तंत्रज्ञ . राहुल बडगुजर, रेडियम तंत्रज्ञ मयूर भदाणे तसेच चालक संदीप गवळे आणि चालक किशोर शिरुडे यांचा महाविद्यालयातर्फे विशेष सत्कार करण्यात आला.
महाविद्यालयाचे प्राचार्य डॉ. एल. पी. देशमुख यांच्या हस्ते सर्वांचे पुष्पगुच्छ व सन्मानचिन्ह देऊन अभिनंदन करण्यात आले. यावेळी महाविद्यालयातील प्राध्यापक व कर्मचारी उपस्थित होते. विद्यार्थ्यांच्या सुरक्षिततेसाठी दिलेल्या या सेवेमुळे वैद्यकीय पथकाचे सर्वत्र कौतुक करण्यात येत आहे.
