निंभोरा कृषी विद्यालयात जागतिक महिला दिन व सावित्रीबाई फुले पुण्यतिथी निमित्त कार्यक्रम
मानव अधिकार आंतरराष्ट्रीय फेडरेशन, महाराष्ट्र राज्य यांच्या वतीने कार्यक्रमाचे आयोजन.
नवराज्य Live न्यूज नेटवर्क
जळगाव : जागतिक महिला दिन तसेच क्रांतीज्योती सावित्रीबाई फुले यांच्या पुण्यतिथी निमित्त मानव अधिकार आंतरराष्ट्रीय फेडरेशन, महाराष्ट्र राज्य यांच्या वतीने निंभोरा येथील कृषी विद्यालयात कार्यक्रमाचे आयोजन करण्यात आले.
कार्यक्रमाच्या अध्यक्षस्थानी मानव अधिकार आंतरराष्ट्रीय फेडरेशनचे जळगाव जिल्हाध्यक्ष विजयकुमार पाटील होते, तर कार्यक्रमाचे उद्घाटन माजी सभापती ज्योतीताई बोडे यांच्या हस्ते झाले. विशेष प्रमुख अतिथी म्हणून अँटी करप्शन मानव अधिकार सर्व शक्तीसेना महाराष्ट्र राज्य अध्यक्ष तथा भाजपा अनुसूचित जाती मोर्चा राज्य सचिव प्रा. संजय मोरे उपस्थित होते. तसेच प्रमुख अतिथी म्हणून मानव अधिकार आंतरराष्ट्रीय फेडरेशन महाराष्ट्र राज्यचे चीफ डायरेक्टर प्रल्हादभाऊ बोडे, अँटी करप्शन राज्य उपाध्यक्ष उपप्राचार्य विवेक बोडे, शर्मिला महाले व मनीषा बावस्कर उपस्थित होत्या.
कार्यक्रमाच्या सुरुवातीला क्रांतीज्योती सावित्रीबाई फुले यांच्या प्रतिमेला पुष्पहार अर्पण करून अभिवादन करण्यात आले. यावेळी अध्यक्ष विजयकुमार पाटील यांनी आपल्या मनोगतात सांगितले की, सावित्रीबाई फुले या भारतातील पहिल्या शिक्षिका व मुख्याध्यापिका होत्या. त्यांनी पती महात्मा ज्योतिबा फुले यांच्या सहकार्याने स्त्री शिक्षण, विधवा पुनर्विवाह आणि अस्पृश्यता निर्मूलनासाठी मोठे कार्य केले. 1848 साली पुण्यात मुलींसाठी पहिली शाळा सुरू करून त्यांनी स्त्री शिक्षणाचा पाया घातला.
यावेळी प्रा. संजय मोरे यांनीही आपल्या भाषणात महिलांच्या योगदानाचा गौरव केला. त्यांनी राजमाता जिजाऊ आणि रमाबाई आंबेडकर यांच्या त्याग व कार्याचा उल्लेख करत समाज परिवर्तनात महिलांचे महत्त्व अधोरेखित केले.
कार्यक्रमात ज्योती बोडे, प्रल्हाद बोडे, राजीव बोरसे, शर्मिला महाले यांनीही आपले मनोगत व्यक्त केले. कार्यक्रमाच्या शेवटी मानव अधिकार आंतरराष्ट्रीय फेडरेशनतर्फे उपस्थित महिलांचा शाल, श्रीफळ, बुके, रुमाल व पेन देऊन सन्मान करण्यात आला.
या कार्यक्रमाला विजयकुमार पाटील, प्रल्हाद बोडे, प्रा. संजय मोरे, राजीव बोरसे, उपप्राचार्य विवेक बोडे, शर्मिला महाले, मनीषा बावस्कर, सुनीता मोरे, रोशनी मोरे, सरला चौधरी, ज्योत्स्ना महाले, ममता महाले, मयुरी बोडे, डॉ. धनराज बावस्कर, जितेंद्र भावसार, योगेश बऱ्हाटे, जितेंद्र कोळंबे, रोहित तायडे, सनी मोरे तसेच विद्यालयातील विद्यार्थी व विद्यार्थिनी मोठ्या संख्येने उपस्थित होते.
कार्यक्रमाचे सूत्रसंचालन प्रा. संजय मोरे यांनी केले, तर डॉ. धनराज बावस्कर यांनी आभार मानले.
