नवराज्य Live न्यूज नेटवर्क
शिरसोली (जळगाव तालुका): शिवजयंतीच्या पावन पर्वानिमित्त जळगाव तालुक्यातील शिरसोली प्र. बो. येथे भव्य महाआरोग्य शिबिराचे आयोजन करण्यात आले. या शिबिरात शिरसोली परिसरासह जळगाव शहरातील एकूण ९५७ नागरिकांनी मोफत आरोग्य तपासणी व उपचारांचा लाभ घेतला.
सकाळी ९ वाजता सुरू झालेल्या या शिबिराचे आयोजन राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री ना. गुलाबराव पाटील यांच्या मार्गदर्शनाखाली शिरसोली प्र. बो. ग्रामपंचायतीच्या माध्यमातून करण्यात आले होते.
या शिबिरासाठी माजी जिल्हा परिषद सदस्य प्रतापराव गुलाबराव पाटील, विक्रम गुलाबराव पाटील, शिवसैनिक शिवदास उत्तम बारी तसेच शिवसेना वैद्यकीय मदत कक्षाचे उत्तर महाराष्ट्र सचिव जितेंद्र गवळी यांनी विशेष परिश्रम घेतले.
तज्ज्ञ डॉक्टरांचा सहभाग
रुग्ण तपासणीसाठी डॉ. राहुल चौधरी, डॉ. विजयकुमार धकाते, डॉ. स्वाती बळी, डॉ. बबिता मंडल आणि डॉ. कार्तिकेश्वरी अन्नेवार यांनी सेवा दिली.
शिवसेना वैद्यकीय मदत कक्षाचे जळगाव शहर प्रमुख चेतन राजू तांबोली व त्यांच्या टीमने संपूर्ण शिबिराचे उत्कृष्ट नियोजन केले.
मान्यवरांची उपस्थिती
या वेळी माजी सभापती नंदूभाऊ पाटील, युवा सेना तालुका अध्यक्ष रामकृष्ण काटोले, ग्रामपंचायत अध्यक्ष प्रवीण उत्तमराव पाटील, माजी सरपंच प्रवीण अशोक बारी, ग्रामपंचायत सदस्य प्रशांत काटोले, माजी सरपंच अनिल पाटील, संतोष ताडे, विजय पाटील, उमाजी पांगळे, नीरज वाणी, विवेक बारी, अनिल न्हावी, अविनाश पाटील, सुनील पाटील, किरण बारी, कैलास लावणे, चेतन खलसे, पवन पाटील यांच्यासह शिरसोली प्र. बो. व प्र. न. येथील शिवसैनिक व शिवप्रेमी मोठ्या संख्येने उपस्थित होते.
शिबिरात सहभागी रुग्णालये व तपासणी संख्या
राजश्री छत्रपती शाहू महाराज हॉस्पिटल – जळगाव
रुग्ण तपासणी : २०३
महाजन हॉस्पिटल – जळगाव
रुग्ण तपासणी : १७९
जीवन ज्योती कॅन्सर हॉस्पिटल – जळगाव
रुग्ण तपासणी : ५७
जळगाव कॅन्सर केअर व रेडिएशन सेंटर – जळगाव
रुग्ण तपासणी : ४९
शासकीय आयुर्वेद रुग्णालय – जळगाव
सामान्य तपासणी व गर्भवती महिलांची ANC तपासणी : २४८
एकूण ECG तपासणी : १३१
एकूण रक्त तपासणी : ९०
एकूण लाभार्थी : ९५७
या भव्य उपक्रमाचे आयोजन शिरसोली येथील शिवसैनिक शिवदास उत्तम बारी यांच्या वतीने करण्यात आले होते. यासाठी समस्त शिरसोलीतील शिवसैनिक व शिवप्रेमी यांचे मोलाचे सहकार्य लाभले.
