नवराज्य Live न्यूज नेटवर्क
जळगाव – जळगाव महानगरपालिकेत भारतीय जनता पार्टी–शिवसेना महायुती सत्तेवर आल्यानंतर शहरातील विविध भागांमध्ये नियोजित विकासकामांना वेग देण्यात येत आहे. त्याचाच एक भाग म्हणून प्रभाग क्रमांक ८ मधील पिंप्राळा परिसरात महत्त्वपूर्ण विकासकामांचे लोकार्पण नुकतेच पार पडले.
प्रभाग क्रमांक ८ अंतर्गत ओम शिवशंकर मंदिर, ओम शांती नगर परिसरातील मनपा ओपन स्पेसमध्ये पेव्हर ब्लॉक बसविणे, सुशोभीकरण करणे तसेच वॉल कंपाऊंड उभारणे ही कामे पूर्ण करण्यात आली असून, या विकासकामांचे लोकार्पण जळगाव शहराचे आमदार राजू मामा भोळे यांच्या हस्ते करण्यात आले.
याप्रसंगी उपमहापौर मनोज चौधरी, शांताराम पाटील सर, नगरसेविका कविता पाटील, नगरसेवक अमर जैन, नगरसेवक नरेंद्र पाटील, नगरसेवक डॉ. चंद्रशेखर पाटील, नगरसेविका जयश्री पाटील, मंडळ क्रमांक ५ युवा मोर्चा अध्यक्ष गौरव राजपूत, महिला अध्यक्ष माधुरी हांडे, सामाजिक कार्यकर्ते राहुल पाटील, रिंकू चौधरी, योगेश दादा, ठेकेदार चंदन पाटील व हितेश भदाणे आदी उपस्थित होते.
यावेळी बोलताना आमदार राजू मामा भोळे म्हणाले की, महायुती जनतेला दिलेल्या प्रत्येक आश्वासनाची पूर्तता करण्यासाठी कटिबद्ध असून, संपूर्ण जळगाव शहरात आवश्यक त्या ठिकाणी दर्जेदार विकासकामे राबविली जातील.
