नवराज्य न्यूज नेटवर्क
जळगाव – जळगाव महानगरपालिकेत भारतीय जनता पार्टी–शिवसेना महायुतीने एकहाती सत्ता मिळवल्यानंतर जनतेला दिलेल्या आश्वासनांची पूर्तता करण्यासाठी विकासकामांना गती देण्यात आली आहे.
प्रभाग क्रमांक ९ मधील द्वारका नगर (मिळकत क्रमांक 118/3) येथील मनपा मालकीच्या ओपन स्पेसमध्ये पेव्हर ब्लॉक बसविणे, सुशोभीकरण करणे तसेच वॉल कंपाऊंड उभारणे या विकासकामांचे लोकार्पण कार्यक्रम नुकताच पार पडला.
या विकासकामांचे लोकार्पण उपमहापौर मनोज चौधरी व जळगाव शहराचे आमदार राजू मामा भोळे यांचे पुत्र ,नगरसेवक विशाल भोळे यांच्या हस्ते करण्यात आले.
यावेळी डॉ. चंद्रशेखर पाटील, नगरसेविका जयश्री राहुल पाटील, मंडळ क्रमांक ५ युवा मोर्चा अध्यक्ष गौरव पाटील, सामाजिक कार्यकर्ते राहुल पाटील, रिंकू चौधरी, योगेश दादा, ठेकेदार हितेश भदाणे, चंदन पाटील आदी मान्यवर उपस्थित होते.
महायुती जनतेला दिलेल्या आश्वासनांची पूर्तता करण्यास सक्षम असून संपूर्ण जळगाव शहरात विविध विकासकामे सातत्याने राबविण्यात येतील, असे आश्वासन यावेळी उपमहापौर मनोज चौधरी व नगरसेवक विशाल भोळे यांनी दिले.
