शॉर्टसर्किटमुळे लागलेल्या भीषण आगीत तीन घरे खाक!
संसार उपयोगी वस्तूसह साखरपुड्यासाठी खरेदी केलेल्या वस्तू आगीत भस्मसार
नवराज्य Live न्यूज नेटवर्क
जळगाव – येथील पांजरापोळ पाण्याच्या टाकीपरिसरातील तरुण कुढापा चौकात घरांना शॉर्टसर्किटमुळे लागलेल्या भीषण आगीत गणेश शंकर शिरसाळे ,निलेश शंकर शिरसाळे , सुभाबाई दगडू सपकाळे यांची घरे जळून खाक झाली आहे. आज सकाळी १०:३०च्या सुमारास लागलेल्या या आगीमुळे घरातील संसार उपयोगी वस्तू राख झाल्या आहेत. गणेश शिरसाळे यांच्याकडे साखरपुड्यासाठी खरेदी केलेल्या वस्तू देखील या आगीत जळून राख झाल्या आहेत.
सुदैवाने या ठिकाणी जीवित हानी झाली नाही. आज सकाळी १०:३०च्या सुमारास शॉर्टसर्किटमुळे घराला आग लागली व त्यानंतर फ्रिजचे कॉम्प्रेसर चा स्पोर्ट झाल्याने या आगिने रुद्र रूप धारण केल्याने या आगीच्या लपेट्यात तीन घरांचे नुकसान झाले असून, तीनही पार्टीशनची घरे जळून खाक झाले आहेत. दरम्यान आगीची माहिती मिळताच. या ठिकाणी नागरिकांनी तात्काळ अग्निशामक विभागाला सूचित केल्यानंतर तात्काळ अग्निशामक पथक घटनास्थळी दाखल झाले.व त्यांनी ही आग आटोक्यात आणली सुमारे चार बंब द्वारे अग्निशामन विभागाने शर्तीचे प्रयत्न करून ही आग आटोक्यात आणली.
आमदार राजू मामा भोळे यांची घटनास्थळी धाव !आग्रस्तांना दिले भांडे गॅस व संसार उपयोगी वस्तू.
या घटनेची माहिती कळताच जळगाव शहराचे आमदार राजू मामा भोळे हे घटनास्थळी दाखल झाले त्यांनी या परिवाराला धीर देत या कुटुंबाला लागणाऱ्या संसार उपयोगी वस्तू दिल्या यावेळी महापौर दीपमाला काळे,महापौर मनोज चौधरी , नगरसेवक सुनील खडके, विश्वनाथ खडके, पीयूष कोल्हे,कैलास सोनवणे, निलेश तायडे, कल्पेश सोनवणे,संजय चौधरी,हे देखील या ठिकाणी उपस्थित होते
विठ्ठल मंदिरस्थान ने केली निवाऱ्याची व्यवस्था
दरम्यान लागलेल्या भीषण आगीत गणेश शंकर शिरसाळे ,निलेश शंकर शिरसाळे , सुभाबाई दगडू सपकाळे यांची घरे जळून खाक झाली असून त्यांना निवाऱ्याची व्यवस्था केली असल्याची माहिती माजी उपमहापौर सुनील खडके व नगरसेवक विश्वनाथ खडके यांनी दिली.
