नवराज्य Live न्यूज नेटवर्क
जळगाव – जागतिक रेडिओ दिनाचे औचित्य साधून स्थानिक महाविद्यालयाच्या वतीने समुदाय ‘रेडिओ मनभावन’ केंद्राला भेट देण्याचा विशेष उपक्रम नुकताच राबविण्यात आला. या भेटीदरम्यान विद्यार्थ्यांनी रेडिओचे कार्य, प्रसारणाची पद्धत आणि या माध्यमाचा बदलता प्रवास प्रत्यक्ष अनुभवला.या उपक्रमासाठी शैक्षणिक संचालिका मृणालिनी फडणवीस, उपप्राचार्य प्रा. देवेंद्र इंगळे, मानव्यविद्या शाखा अधिष्ठाता प्रा. बी. एन. केसूर आणि पाल महाविद्यालयाचे प्राचार्य प्रा. सी. पी. लभाणे यांचे विशेष मार्गदर्शन लाभले.
रेडिओ मनभावनचे संचालक अमोल देशमुख यांनी विद्यार्थ्यांचे स्वागत केले. त्यांनी रेडिओ स्टुडिओची कार्यपद्धती, रेकॉर्डिंग आणि लाइव्ह ब्रॉडकास्टिंग यातील तांत्रिक बारकावे समजावून सांगितले.आरजे शुभांगी यांनी रेडिओवरील सादरीकरण, आवाजाचा चढ-उतार आणि श्रोत्यांशी संवाद साधण्याची कला यावर मार्गदर्शन केले. “रेडिओ हे केवळ माहितीचे साधन नसून ते भावना पोहोचवण्याचे एक प्रभावी माध्यम आहे,” असे मत त्यांनी यावेळी व्यक्त केले.यावेळी महाविद्यालयातील वरिष्ठ प्राध्यापक व विभागप्रमुखांची उपस्थिती लक्षणीय होती. यावेळी डॉ. के. पी. नारखेडे (IQAC समन्वयक),डॉ. एल. पी. वाघ, डॉ. दिलवरसिंग वसावे, डॉ. अखिलेश शर्मा, डॉ. नाशिकर सूर्यवंशी,डॉ. मनोज महाजन कार्यक्रमाच्या यशस्वीतेसाठी सहाय्यक प्राध्यापिका अंकिता दुबे आणि विनोद अहिरे यांनी परिश्रम घेतले. भेटीदरम्यान ‘रेडिओच्या आठवणी’ या विषयावर चर्चा करण्यात आली.
मोबाईलच्या युगातही रेडिओचे महत्त्व कमी झालेले नाही, तर ते ‘डिजिटल’ स्वरूपात अधिक व्यापक झाले आहे, असा सूर या चर्चेतून उमटला. अनेक प्राध्यापकांनी आपल्या बालपणातील रेडिओ ऐकण्याचे किस्से सांगून वातावरणात रंजकता आणली.या उपक्रमामुळे विद्यार्थ्यांना प्रसारमाध्यम क्षेत्रातील रोजगाराच्या संधी आणि प्रत्यक्ष कामकाजाचा अनुभव घेता आला.
