नवराज्य Live न्यूज नेटवर्क
जळगाव – भारत होमिओपॅथिक असोसिएशन (बीएचए)
नाशिक यांच्यातर्फे जळगाव जिल्ह्यासाठी नवीन पदाधिकारी नियुक्ती जाहीर करण्यात आली आहे. जळगाव जिल्ह्यातील होमिओपॅथी क्षेत्रात कार्यरत असलेले डॉ. विवेक मनोहर पाटील यांची जिल्हा सचिवपदी नियुक्ती केली आहे.
त्यांच्या माध्यमातून जिल्ह्यातील होमिओपॅथिक डॉक्टरांचे प्रश्न शासनदरबारी मांडणे, संघटनात्मक बांधणी मजबूत करणे तसेच जनजागृती व सदस्य नोंदणी उपक्रम प्रभावीपणे राबवण्याचे कार्य केले जाणार आहे. या नियुक्तीबद्दल भारत होमिओपॅथिक असोसिएशनचे संस्थापक अध्यक्ष डॉ. गौरव सोनवणे यांनी त्यांचे अभिनंदन केले आहे.
त्यांच्या या नियुक्तीने जळगाव जिल्ह्यातील होमिओपॅथिक संघटनेला बळ मिळणार असून नवी दिशा मिळणार असल्याचा विश्वास व्यक्त केला जात आहे.
