राज्याचे उपमुख्यमंत्री अजितदादा अनंतात विलीन!

नवराज्य Live न्यूज नेटवर्क

बारामती – राज्याचे उपमुख्यमंत्री तथा राष्ट्रवादी काँग्रेसचे राष्ट्रीय अध्यक्ष अजितदादा पवार यांना बारामतीच्या विद्या प्रतिष्ठानमध्ये शोकाकूल वातावरणात शासकीय इतमामात साश्रूनयनांनी निरोप देण्यात आला. यावेळी पार्थ पवार आणि जय पवार या दोघा पुत्रांनी त्यांच्या पार्थिवाला मुखाग्नी दिला.

बारामतीसह महाराष्ट्र सुन्न झाला. समर्थकांनी ”अजित दादा अखेरचा दंडवतघालत आपल्या लाडक्या दादाला निरोप दिला.यावेळी वातावरण अत्यंत भावनिक झालेले होते या ठिकाणी दादांचे अंगरक्षक यांनी निरोप देताना अखेर त्यांच्या अश्रूंचा बाण फुटून ते ढसा ढसा रडू लागले. हे बघून इतर उपस्थित पदाधिकारी नेते यांचे डोळे देखील पन्हावले.

प्रमुख नेत्यांची उपस्थिती

केंद्रीय गृहमंत्री अमित शाह, भाजप अध्यक्ष नितीन नबिन, मुख्यमंत्री देवेंद्र फडणवीस, केंद्रीय रस्ते वाहतूक मंत्री नितीन गडकरी, गोव्याचे मुख्यमंत्री प्रमोद सावंत, उपमुख्यमंत्री एकनाथ शिंदे, विधानसभा अध्यक्ष राहुल नार्वेकर, केंद्रीय मंत्री रामदास आठवले, मंत्री चंद्रशेखर बावनकुळे, चंद्रकांत पाटील, हसन मुश्रीफ, केंद्रीय मंत्री मुरलीधर मोहोळ, छगन भुजबळ, खासदार शाहू महाराज छत्रपती, आंध्र प्रदेश सरकारमधील नारा लोकेश, भाजप प्रदेशाध्यक्ष रवींद्र चव्हाण, गिरीश महाजन, मंत्री रक्षा खडसे, माधुरी मिसाळ, नीलम गोऱ्हे, अदिती तटकरे, पंकजा मुंडे, गणेश नाईक, माजी मुख्यमंत्री सुशीलकुमार शिंदे, अशोक चव्हाण, काँग्रेस प्रदेशाध्यक्ष हर्षवर्धन सपकाळ, जयंत पाटील,

यांच्यासह अनेक मान्यवरांनी अजित पवार यांच्या पार्थिवाला पुष्पचक्र अर्पण करत श्रद्धांजली अर्पण वाहिली.

अभ्यासू अन् तरूण कार्यकर्त्यांचा आधार हरपल!

राज्याचे उपमुख्यमंत्री अजितदादा पवार यांच्या निधनाचे वृत्त हे अत्यंत धक्कादायक आहे. भल्या पहाटे अशी दु:खद बातमी महाराष्ट्राला ऐकायला मिळेल अशी स्वप्नातही कुणी कल्पना केली नव्हती. अजितदादा तरूण कार्यकर्त्यांसाठी नेहमीच आधारवड होते. कार्यकर्त्यावर निस्सीम प्रेम करणारे दादांचे नेतृत्व होते. राज्याचा अर्थसंकल्प सर्वाधिकवेळा मांडण्याचा त्यांच्या नावे विक्रम राहिला आहे. अर्थ व नियोजमंत्री म्हणून राज्याला आर्थिक शिस्त लावण्याचे काम त्यांनी बारकाईने केले. स्पष्टवक्ता, प्रचंड निर्णयक्षमता, निडर असे त्यांचे व्यक्तीगुण सांगता येतील. दादांच्या अकाली जाण्याने तरूण कार्यकर्त्यांचा आधारस्तंभच कोसळला आहे.

– डॉ. केतकी पाटील, जिल्हा सरचिटणीस भाजपा.