नवराज्य Live न्यूज नेटवर्क
जळगाव( योगेश सुने ) – जळगाव ला उपमुख्यमंत्री एकनाथ शिंदे यांचा महायुतीच्या रोडशोच्या समारोपात उद्योगमंत्री उदय सामंत यांनी जळगावतील एमआयडीसीत नवीन उद्योग येऊन जळगावकरांना रोजगार मिळावा म्हणून येथील एमआयडीसीला डी प्लस चा दर्जा दिला आहे. गुलाबराव पाटील यांनी यासाठी सतत पाठपुरावा केला असल्याचे मंत्री सामंत यांनी यावेळी सांगितले उपमुख्यमंत्री एकनाथ शिंदे हे येऊ शकले नाहीत म्हणून मी थेट नाशिकहून जळगावला आलो असेही त्यांनी या भाषणात सांगितले.
उपमुख्यमंत्री एकनाथ शिंदे हे मुंबई च्या रोडशो मध्ये असल्याने ते उशिरा येत असल्याचे सांगत बराच वेळ झाल्याने नंतर त्यांचं येणं रद्द झाल्यामुळे स्थानिक नेत्यांनी रोड शोला सुरुवात केली .
रोडशो ची वेळ ही दुपारी १ वाजेची होती मात्र तीन वाजा नंतरच या रॅलीला सुरुवात झाली. यावेळी जळगाव जिल्ह्याचे पालकमंत्री गुलाबराव पाटील,आ. सुरेश भोळे, आ चंद्रकांत सोनवणे, माजी आ. लताताई सोनवणे, संपर्क प्रमुख सुनील चौधरी, नितीन लढढा, जिल्हाध्यक्ष विष्णू भंगाळे,दिपक सूर्यवंशी, सरिता कोल्हे माळी,उमेदवार पियुष कोल्हे आदी शिवसेनेच्या रथावर विराजमान होते.
शिवसैनिकांचा झाला हिरमोड…
राज्याचे उपमुख्यमंत्री एकनाथ शिंदे यांचा रोड शो असल्याने जिल्हाभरातून शिवसैनिक या ठिकाणी आलेले होते. रोड शो ची दुपारी १ वाजेची वेळ होती मात्र त्यामुळे शिवसैनिक हे सकाळ पासूनच आलेले होते. मात्र वेळ होऊन देखील रॅलीला सुरुवात होत नसल्याने त्या ते तात्काळत बसले होते. तर काही माघारी निघण्याच्या तयारीत होते. त्यावेळी मंत्री गुलाबराव पाटील यांच्या मार्गदर्शनाखाली शिवसेनेच्या रथाला पुष्पहार अर्पण करून दुपारी ३. १८ वाजता या रोड शोला सुरुवात करण्यात आली.
