नवराज्य Live न्यूज नेटवर्क
जळगाव – (चिफ एडिटर )जळगाव शहर महानगरपालिकेच्या प्रचाराची रणधुमाळी आता सुरू झाली असून आज पासून भारतीय जनता पार्टीने जळगाव महापालिका निवडणुकीचा प्रचाराचा शुभारंभ पिंप्राळा येथील भवानी माता मंदिरात नारळ वाढवून केला. भाजप प्रदेशाध्यक्ष आ रवींद्र चव्हाण यांच्या हस्ते व मंत्री गिरीश महाजन यांच्या हस्ते करण्यात आला यावेळी. मंत्री संजय सावकारे आ.किशोर आप्पा पाटील आ. राजू मामा भोळे आदी उपस्थित होते.
पिंप्राळा येथील भवानी मंदिर येथून महायुतीच्या ७५ उमेदवारांचे प्रचाराचे नारळ वाढवून लगेचच प्रचंड जाहीर सभा घेण्यात आली. या प्रसंगी भाजप नेते मंत्री गिरीश महाजन मंत्री संजयजी सावकारे,खा स्मिताताई वाघ,माजी मंत्री गुलाबराव देवकर,आ सुरेश भोळे, आ मंगेश चव्हाण आ किशोर अप्पा पाटील,आ अमोल जावळे,आ अमोल पाटील,भाजपा जिल्हाध्यक्ष दीपक सूर्यवंशी शिवसेना जिल्हाप्रमुख विष्णू भाऊ भंगाळे राष्ट्रवादीचे जिल्हाध्यक्ष संजय पवार RPI आठवले गट अनिल अडकमोल तसेच महायुतीचे पदाधिकारी आदी मोठ्या संख्येने उपस्थिती होती.
यावेळी भाजपाचे नेते व मंत्री गिरीश महाजन यांनी भाजपाने केलेल्या विकास कामांचा आढावा भाषणातून दिला त्याचबरोबर केंद्रात मोदी सरकारने केलेला विविध विकासकामे व आणलेले कायदे ३७० कलम,अयोध्या येथील राम मंदिर,तीन तलाक यावर सविस्तर मार्गदर्शन केले. व तुफान फटकेबाजी करत कार्यकर्त्यांचा उत्साह वाढवला.
भाजपाचे प्रदेशाध्यक्ष रवींद्र चव्हाण यांनी तसे पाहता माझी सभेला येण्याची गरजही नव्हती कारण या ठिकाणी संकटमोचन गिरीश महाजन यांनी या आधीच ग्राउंड तयार करून ठेवलेले आहे. व जळगाव शहराचा खऱ्या अर्थाने चेहरा मोहरा बदलायचा असेल तर महायुतीला प्रचंड मतांनी विजयी करा व दिलेल्या सर्व उमेदवारांना विजयी करा असे आवाहन चव्हाण यांनी यावेळी केले.
१५० कोटी रुपयांच्या भरीव निधीने जळगाव शहराचा विकासात हातभार,
जळगाव शहराचे आमदार सुरेश भोळे यांनी जळगाव शहराच्या विकासासाठी १५० कोटी रुपयाचा निधी मंजूर करून आणला व त्या माध्यमातून रस्ते गटारी रेल्वे उड्डाणपूल हायवेचे उड्डाणपूल पथदिवे यासह विविध विकासकामे केलेली आहेत व उर्वरित विकास काम करण्यासाठी पुन्हा महायुतीला महापालिकेत सत्तेत आणा असे आवाहन आमदार भोळे यांनी यावेळी केले.
छत्रपती शिवाजी महाराज चौक पिंप्राळा येथे प्रचंड जाहीर सभा येथे पार पडली. महायुतीच्या ७५ उमेदवार ,व भाजप, शिवसेना शिंदे गट , राष्ट्रवादी काँग्रेस अ पवार , RPI आठवले गट सर्व पदाधिकारी व कार्यकर्त्यांची व तमाम जनता उपस्थित होते. सूत्रसंचालन विशाल त्रिपाठी यांनी केले.
