शालेय खेळातून तयार होईल उद्याचा राष्ट्रीय खेळाडू.

नवराज्य Live न्यूज नेटवर्क

जळगाव (आव्हाने शिवार) – शालेय खेळातून तयार होईल उद्याचा राष्ट्रीय खेळाडू.असे प्रतिपादन श्री. मनोज पाटील इंटरनॅशनल इंग्लिश मीडियम स्कूल व श्री समर्थ प्राथमिक विद्यामंदिर, आव्हाने शिवार, जळगाव येथे आयोजित हिवाळी क्रीडा स्पर्धांचा बक्षीस वितरण सोहळा प्रसंगी मान्यवरांनी केले. यावेळी कार्यक्रमास प्रमुख अतिथी म्हणून आव्हाने गावाचे सरपंच भगवान पाटील, प्रगतिशील शेतकरी रविंद्र पाटील, संस्थेचे संचालक रामराजे पाटील, माजी नगरसेविका गायत्री शिंदे व समाजसेविका संगीताताई पाटील उपस्थित होते.

विविध क्रीडा स्पर्धांमध्ये विद्यार्थ्यांनी उत्स्फूर्त सहभाग नोंदवत प्रथम, द्वितीय व तृतीय क्रमांक पटकावून उल्लेखनीय यश संपादन केले.मान्यवरांच्या हस्ते विजेत्या विद्यार्थ्यांना पारितोषिके वितरित करण्यात आली. संस्थेचे अध्यक्ष श्री. मनोज पाटील सर यांनी विद्यार्थ्यांना शुभेच्छा दिल्या. यावेळी मुख्याध्यापिका सौ. हर्षाली पाटील व मुख्याध्यापिका सौ. मंजुषा सोनवणे यांनी विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा दिल्या. कार्यक्रमाच्या यशस्वी आयोजनासाठी शिक्षकवृंद व शिक्षकेतर कर्मचारी यांनी विशेष परिश्रम घेतले.

कार्यक्रमाचे सुत्रसंचलन व आभार प्रदर्शन मनोज बिऱ्हाडे यांनी केले. क्रीडास्पर्धांमधून शिस्त, संघभावना व आत्मविश्वास वाढतो, अत्यंत उत्साहपूर्ण व आनंददायी वातावरणात हा सोहळा पार पडला.