नवराज्य Live न्यूज नेटवर्क
जळगाव : – येथील के सी ई सोसायटी संचालित मू.जे.महाविद्यालयाच्या स्वामी विवेकानंद कनिष्ठ महाविद्यालयात दोन दिवसीय स्नेह संमेलन युवा स्पंदन २०२५ उत्साहात संपन्न झाले.
दोन दिवसीय चालू असलेल्या युवास्पंदन च्या दुसऱ्या दिवशी विविध मनोरंजक कार्यक्रमांची रेलचेल बघायला मिळाली. कार्यक्रमाची सुरुवात रंगमंचाच्या पुजनाने झाली. यावेळी प्रा डॉ केतन नारखेडे, उपप्राचार्य आर बी ठाकरे, पर्यवेक्षिका प्रा स्वाती बऱ्हाटे , समन्वयक प्रा उमेश पाटील, स्नेहसंमेलन प्रमुख प्रा वर्षा पाटील व उपप्रमुख प्रा संदिप वानखेडे उपस्थित होते.
सुरुवातीला भारतीय प्रादेशिक व पारंपारिक वेशभुषा स्पर्धेने सुरुवात केली गेली. यात भारतातील विविध राज्य तसेच प्रदेशातील लोकपरंपरेचा जागर करीत विद्यार्थ्यांनी सुंदर वेश परिधान केला होता. यावेळी परीक्षक म्हणून तनवी वडोदकर व डॉ पूजा पांडे हे होते.
रंगारंग झालेल्या गीतगायन कार्यक्रमांमध्ये 32 विद्यार्थ्यांनी सहभाग नोंदविला. यावेळी परीक्षक म्हणून मंगेश वाघ व अभय गजभिये यांनी कामकाज बघितले.नृत्यप्रकार या स्पर्धेत सोलो, डुएट व ग्रुप डान्स अक्षरा महाजन,राकेश कोळी व अनुष्का परिहार हे या स्पर्धेचे परीक्षक होते.
या शैक्षणिक वर्षाचा ‘बेस्ट स्टुडन्ट’ म्हणून इयत्ता अकरावी विज्ञान शाखेची साक्षी डिगंबर ढाके या विद्यार्थीनीची निवड करण्यात आली. ‘प्रिन्सिपल रोल ऑफ ऑनर’ विज्ञान शाखेतून रोहित ब्राह्मणकर, वाणिज्य शाखेतून देवश्री परदेशी, कला शाखेतून वैष्णवी चौधरी व किमान कौशल्य विभागातून राणी जाधव या विद्यार्थ्यांना मिळाला.
या कार्यक्रमाचा समारोप वार्षिक पारितोषिक समारंभाने झाला.या कार्यक्रमाचे प्रमुख अतिथी ॲड प्रवीणचंद्र जंगले सहसचिव केसीई संस्था जळगाव हे होते. यावेळी केसीई संस्थेचे शैक्षणिक व सांस्कृतिक समन्वयक शशिकांत वडोदकर हे अध्यक्षस्थानी होते. याप्रसंगी उपप्राचार्य आर बी ठाकरे यांनी शैक्षणिक वर्ष 2025 चा आढावा मांडला. स्नेहसंमेलनप्रमुख वर्षा पाटील यांनी स्नेहसंमेलनाचा आढावा दिला. यावेळी महाविद्यालयाचे शैक्षणिक मासिक ‘युवास्पंदन ‘ याचे प्रमुख मान्यवरांच्या हस्ते अनावरण करण्यात आले.प्राध्यापक वृंद यांनी विशेष मेहनत घेतली.
