नवराज्य Live न्यूज नेटवर्क
जळगाव – श्री समर्थ प्राथमिक विद्यामंदिर, आव्हाने शिवार जळगाव येथे स्वर्गवासी सौ. प्रतीक्षा समाधान पाटील यांच्या स्मृतिपित्यर्थ इयत्ता पहिली ते तिसरीच्या विद्यार्थ्यांसाठी विविध उपयुक्त व गुणविकासक स्पर्धांचे सुंदर आयोजन करण्यात आले.
या स्पर्धांमध्ये रंगभरण स्पर्धा, सुंदर हस्ताक्षर स्पर्धा आणि वकृत्व स्पर्धा अशा उपक्रमांचा समावेश होता. विद्यार्थ्यांनी उत्साहाने सहभाग नोंदवत आपली कला, सर्जनशीलता व आत्मविश्वास व्यक्त केला.
स्पर्धेतील विजेत्या विद्यार्थ्यांना शाळेच्या मुख्याध्यापिका हर्षाली पाटील मॅडम यांच्या हस्ते पारितोषिक देऊन गौरविण्यात आले. मुख्याध्यापिका मॅडम यांनी विद्यार्थ्यांचे कौतुक करत पुढील वाटचालीस शुभेच्छा दिल्या.
कार्यक्रम यशस्वी करण्यासाठी सर्व शिक्षकवर्गांनी, शिक्षकेतर कर्मचारी यांचे सहकार्य लाभले.
