संताजी जगनाडे महाराज जयंतीनिमित्त रॅलीने वेधले लक्ष्य

नवराज्य Live न्यूज नेटवर्क

  जळगाव –  तेली समाजाचे आराध्य दैवत संत शिरोमणी संताजी जगनाडे महाराज यांच्या ४०१व्या जयंतीनिमित्त सोमवारी सकाळी १०.३० वाजता समाज बांधवांतर्फे भव्य दुचाकी रॅली काढण्यात आली. यंदा प्रथमच रॅलीत सुमारे ७५ महिला व ३०० पुरुष १९० बाइकर्ससह सहभागी झाले होते. ही रॅली शहरातील विविध मार्गातून १० किलोमीटर परिसरातून गेली.

दुचाकी रॅलीला तरुण कुढापा चौकापासून सुरुवात होऊन रॅलीची सांगता ही संताजी जगनाडे महाराज बगिचा येथे करण्यात आली. येथे संत जगनाडे महाराजांच्या प्रतिमेचे पूजन होऊन संताजी जगनाडे महाराजांचा जयघोष करण्यात आला. ही रॅली संताजी महाराजांनी सांगितलेल्या सामूहिक विकास,सामाजिक ऐक्य व सेवा भावाच्या संदेशाचे स्मरण करण्याच्या उद्देशाने काढण्यात आली. रॅलीने सामाजिक एकतेचे दर्शन घडवले, या वेळी शारदा

एज्युकेशनल फाउंडेशनचे अध्यक्ष प्रशांत सुरळकर, महिला जिल्हाध्यक्षा निर्मला चौधरी, महानगराध्यक्षा मनीषा चौधरी, बबन चौधरी, रामचंद्र चौधरी आदींसह जळगाव शहर तेली समाजाचे पदाधिकारी, सदस्य, समाज बांधवांसह महिला आदी मोठ्या संख्येने सहभागी झाल्या होते

🔴 या मार्गाने काढण्यात आली रॅली 🔵

दुचाकी रॅलीला नेरी नाका परिसरातील तरुण कुढापा चौकातून सुरुवात करण्यात आली. पुढे ही रॅली पांडे डेअरी चौक, स्वातंत्र्य चौक, छत्रपती शिवाजी महाराज पुतळा, चित्रा चौक, नेरी नाका, एसटी वर्कशॉप परिसर का. ऊ. कोल्हे विद्यालयमार्गे संताजी जगनाडे महाराज उद्यानात रॅलीची सांगता करण्यात आली.